Ministru Administrasaun Estatál (MAE), Miguel Pereira de Carvalho. Imajen TATOLI/Osória Marques.

DILI, 21 agostu 2020 (TATOLI)–Ministru Administrasaun Estatál (MAE), Miguel Pereira de Carvalho, hateten rekrutamentu ba administradór munisipál sira-ne’e sei iha ámbitu deskonsentrasaun administrasaun territorial entaun MAE bele halo rekrutamentu. 

Agora ne’e, Miguel Pereira Carvalho hatutan, lei lima ba estabelisemntu poder lokál ba desentralizasaun administrativa seiduak aprova mak MAE sei iha kompeténsia hodi halo rekrutamentu ba administradór munisipál sira entaun iha semana kotuk MAE halo ona rekrutamentu ba administradór munisipál sira iha parte leste. 

“Ami hahú ona halo rekrutamentu ba prezidente autoridade no administradór munisípiu sira iha kuarta semana kotuk iha parte leste liuliu iha Lautem, Viqueque no Baucau. Prosesu ida-ne’e sei kontinua hala’o iha munisípiu sira seluk durante fulan hirak tuir mai,” dehan Ministru Administrasaun Estatal (MAE), Miguel Pereira de Carvalho, ba Agência TATOLI hafoin partisipa komemorasaun Aniversariu FALINTL ba dala-45  iha Kuartel Jeneral F-FDTL,  Fatuhada, Dili, kinta ne’e. 

Miguel Pereira hatutan, Ministériu Adminstrasaun Estatál primeira vez hodi halo rekrutamentu ba prezidente autoridade no administradór munisípiu ne’e, hanesan rekrutamentu pur méritu ne’ebé tenke prenxe kritéria no rekizitu sira tuir dekretu-lei Nú. 03/2016, katak sira ne’ebé mak prenxe ona kritériu sira-ne’e bele kandidata-aan.

Nia dehan, Timor-Leste seidauk to’o iha faze Governu lokál tanba ne’e MAE sei bele halo rekrutamentu ba administradór munisipál sira. Tuir nia, tanba agora ne’e seidauk to’o iha faze desentralizasaun administrativa territorial no lei ba poder lokál inklui ho lei haat seluk sei iha prosesu nia-laran, ne’ebé la taka dalan MAE atu halo rekrutamentu.

“Bainhira lei lima ne’e mak hetan ona aprovasaun maka faze desentralizasaun administrativa territoriál ne’ebé aban bainrua realiza eleisaun ne’e sei hili hosi povu sira. Agora ne’e seidauk. Tanba ne’e, MAE halo rekrutamentu ba administradór munisipál sira,” nia dehan.

Notísia Relevante: Lei poder lokál no desentralizasaun administrativa hanesan lei ne’ebé importante

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here