Parade ofisiaís F-FDTL. Imajen/TATOLI

DILI, 19 agostu 2020 (TATOLI)–Prezidente Konsellu Veteranu, Vidal de Jesus “Riak Leman”, hateten planu Konsellu Veteranu atu halo rekrutamentu ba FALINTIL-Forsa Defeza Timor-Leste (F-FDTL) tenke desentraliza iha munisípiu sira tanba kada munisípiu iha ona Konsellu Veteranu.

Notísia Relevante: Governu Suspende Rekrutamentu F-FDTL

“Ita iha ona hanoin ka planu halo rekrutamentu iha konsellu munisipál sira atu nune’e ema hotu bele kompete ba vaga F-FDTL nian tanba ema barak protesta katak ema hosi munisípiu la tama ba forsa mak barak,” dehan Prezidente Konsellu Veteranu, Vidal de Jesus “Riak Leman”, ba Agência TATOLI liuhosi telefonika, kuarta ne’e. 

Riak Leman hateten, bainhira iha planu atu rekruta ema ba forsa, Konsellu Veteranu hanoin katak di’ak liu konsentra iha konsellu munisipál sira, atu nune’e labele hamosu dúvida hosi komunidade sira bele hetan justu bainhira konkorre ba vaga. 

Tanba, tuir nia, ezisténsia konsellu munisipál ne’e atu hala’o servisu iha de’it munisípu sira la’ós ema hotu-hotu tenke mai iha nasionál mak halo tratamentu hanesan bolsu estudu ba veteranu nia-oan sira inklui vaga ba rekrutamentu F-FDTL.

“Bainhira orsamentu la’o loos ona mak ita hanoin atu oinsá mak veteranu nia-oan sira trata nia dokumentu sira iha de’it konsellu munisipál no karik iha vaga ba F-FDTL la presiza mai tan iha nasionál maibé konkorre liuhosi ida-idak nia munisípiu,” nia dehan. 

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here