FALINTIL gerilla iha ai-laran. Imajen/Espesial.

DILI, 19 agostu 2020 (TATOLI)—Prezidente Parlamentu Nasionál (PN), Deputadu Aniceto Longuinhos Guterres Lopes, lori parlamentu nia naran hato’o felisitasaun ba aniversáriu Forsa Armada Libertasaun Nasionál Timor-Leste (FALINTIL) ba dala-45 (20 agostu 1975-20 agostu 2020).

“Ha’u aproveita opurtundade ida-ne’e lori Parlamentu Nasionál nia naran hakarak hato’o felisitasaun ba loron 20 de agostu, ne’ebé agora ita komemora tinan 45, hodi fó onra no Gloria ba aswa’in sira hotu, liuliu sira-ne’ebé fó ona vida liberta rai ida-ne’e hodi alkansa independénsia,” Aniceto Guterres informa liuhosi reuniaun plenária Komisaun Permanente nian, kuarta ne’e.

Prezidente Parlamentu Nasionál ne’e mós lori parlamentu nia naran halo votu no agradesimentu ba funu-na’in sira-ne’ebé ohin loron sei moris nu’udar veteranu-FALINTIL no sira-ne’ebé sei kontinua nafatin ba dezenvolvimentu ita-nia rain.

“Parabéns ba ita-nia veteranu-FALINTIL sira,” Prezidente Parlamentu Nasionál, Deputadu Aniceto Guterres, hato’o felisitasaun ba loron istóriku ida-ne’e.

Jornalista : Evaristo Soares Martins

Editór       :  Cancio Ximenes

HAKEREK NO HATÁN

Please enter your comment!
Please enter your name here