Diretór Jerál Ministériu Administrasaun Estatál (MAE), Belarmino Filomeno Neves. Imajen Tatoli/Osória Marques

DILI, 18 agostu 2020 (TATOLI)–Ministériu Administrasaun Estatál (MAE), ohin, hamutuk ho nia diretores INAP, MAP, STAE, PNDS no asesór sira hala’o retiru kona-ba estratéjia desentralizasaun administrativa ho nia indikadór dezempeñu ba tinan 2020-2023.

Diretór Jerál MAE, Belarmino Filomeno Neves, aprezenta  planu estratéjia desentralizasaun administrativa ho nia indikadór haat ba tinan 2020-2023 mak dahuluk konab-ba progresu iha melloramentu estrutura legál, polítika no númeru funsionáriu públiku iha munisípiu ho kapasidade atu dezempeña tarefa no responsabilidade ne’ebé defini ba autoridade lokál sira.

“Ita-nia trajetu ba 31 dezembru 2020 mak tenke iha estrutura orgánika iha munisípiu sira hanesan rekursu umanu, diskrisaun traballu, tarefa no responsabilidade formalmente definidu. No, iha 31 dezembru 2021, hala’o 1a eleisaun munisipál munisípiu sira sei selesionadu iha 31 dezembru 2020, ne’ebé kumpre ona kondisaun mínima, haktuir Governu Timor-Leste, mínimu munisípiu tolu (3) prenxe kondisaun atu realiza eleisaun,” Diretór Jerál MAE, Belarmino Filomeno Neves esplika iha ámbitu retiru ba estratéjia desentralizasaun administrativa, iha Auditórium Otél JL-Vila, Ai-Mutin, Dili, tersa ne’e.

Nai haktuir, iha 31 dezembru 2022 sei halo avaliasaun ba dezempeñu ba munisípiu nian, depois 31 dezembru 2023 (100%) órgaun ka autoridade munisipál ne’ebé eleitu kompletu hotu kedas no bele funsiona ho di’ak ona.

Iha indikadór daruak, nia haktuir kona-ba númeru funsionáriu públiku iha munisípiu ho kapasidade atu dezempeña tarefa no responsabilidade ne’ebé defini ba autoridade lokál sira, ho objetivu atu suporta implementasaun estratéjia desentralizasaun administrativa no estabelesimentu orgaun reprezentativu ba poder lokál liohusi hametin kapasidade funsionáriu públiku  atu dezempeña sira nia knaar ho responsabilidade. 

Nia esplika, iha indikadór daruak ho nia trajetu ba 31 dezembru 2020 mak avaliasaun husi nesesidade ne’ebé koresponde ho estrutura orgánika rekursu umanu ne’ebé mak eziste iha nivel nasionál no munisipál ka diskrisaun hosi kargu ho mapamentu disponível iha MAE.

“Ba indikadór daruak mak ita-nia trajetu ba iha 31 dezembru 2021 mak órgaun eleitu no funsionáriu públiku munisipál formadu hotu ona ba iha munisípiu pilotu sira. Tarjetu 31 dezembru 2022 mak halo tutória no mentória ba órgaun eleitu munisipál no ba funsionáriu públiku destakadu no rekrutadu sira. Tarjetu 31 dezembru 2023 mak formasaun kona-ba atualizasaun fó ba órgaun eleitu munisipál hotu no mós ba funsionáru públiku hodi implementa hotu,” nia hateten. 

Iha indikadór datoluk, di dehan, mak ko’alia kona-ba númeru hosi munisípiu sira ho nia kapasidade no iha autonómia hodi halo planu, orsamentu, halo akompanamentu no protesaun konta nian iha nivél kompeténsia ne’ebé mak define hosi Timor-Leste nia lei.

Ida-ne’e, nia hateten, ho objetivu atu bele estabelese dezempeñu munisípiu sira hotu iha planu orsamentál no halo monitorizasaun ba relatóriu sira. Tanba iha nia sasukat katak númeru hosi munisípiu sira ho nia kapasidade no autonómia hodi halo planu orsamentál nune’e akompaña no halo protesaun ba konta nian iha nivél kompeténsia. 

Tarjetu 31 dezembru 2020 mak unidade téknika multisetoriál ida sei estabelese ho mandatu tuir Termos de Referência ho baze ba akordu interministeriál ida. Tarjetu 31 Dezembru 2021, sidade ne’ebé mak sei hili atu adota no utiliza sistema, hetan apoiu hosi  unidade assisténsia téknika multisetoriál.

Tarjetu 31 Dezembru 2022, Munisípiu ho kapasidade atu halo planu, administra no relata fundu ne’ebé sira simu tuir kontestu desentralizasaun fiskál efetiva ida. Tarjetu 31 Dezembru 2023, relatóriu finanseiru husi auditorias sei aprezenta husi Munisípiu tuir prazu, legalmente, previstu.

Indikador dahaat nian mak ‘Balcão Único’ (tokoh serba ada) ne’ebé mak providénsia servisu ba populasaun iha munisípiu ida, ho nia objetivu atu hadi’ak protesaun servisu públiku ba komuniadde sira iha lokál no promove redusaun equidade (keadilan) iha territória, moderniza no aumenta efikásia no efisiénsia administrasaun públika nian iha kuadru desentralizasaun servisu no funsaun ba prosesu desentralizasaun iha munsípiu.

“Ita-nia tarjetu 31 Dezembru 2020 mak halo akordu entre ministeriais hotu kona-ba modellu inter-operabildade hosi servisu oin-oin Governu snetrál nian iha balkaun íniku ida ba baze ho estadu kona-ba modellu kuadru legál no institusionál,” nia haktuir iha ninia aprezentasaun ne’e.

“Indikadór dahaat nia tarjetu 31 dezembru 2021 mak atu kria loza ida iha munisípiu ida mak ‘loza sidadaun’. Depois tarjetu 31 dezembru 2022, pelumenus ‘loza sidadaun’ ho funsionáriu ida ne’ebé mak kompletu hodi fornese servisu báziku hanesan halo pasaporte, kartaun identidade ba sidadaun sira. Tarjetu 31 dezembru 2023 mak servisu hotu ne’ebé mak previstu hosi Governu iha direitu derivadu no sei disponibiliza hodi presta ba sidadaun sira iha loja saidaun,” nia esplika. 

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here