Logotipu MEJD

DILI, 18 agostu 2020 (TATOLI)-Governu liuhosi Ministériu Edukasaun Juventude no Desportu (MEJD), iha semana kotuk distribui ona ekipamentu prevensaun COVID-19 ba eskola hamutuk 87 iha Rejiaun Administrativa Espesiál Oé-Cusse Ambeno (RAEOA).

Diretór Nasionál Patrimoniu Lojístika no Teknolojia, Manuel de Jesus dos Santos, informa fasilidades hirak ne’e kompostu husi máskara 21.000, balde boot 743 no dezinfektan iha pakote 67.

Notísia Relevante :Semana ne’e, MEJD distribui ekipamentu prevensaun COVID-19 ba RAEOA

“Ita distribui ona ba eskola hamutuk 87 husi edukasaun pre-eskolár to’o ensinu sekundáriu,” dehan nia ba TATOLI, via telefone, tersa ne’e.

Nia dehan iha tempu hanesan MEJD distribui mós kadeira 150 no meza 10 ba eskola sira iha RAEOA.

“Ekipamentu sira ne’e agora distribui ona ba kada eskola sira atu nune’e sira bele halo preparasaun ida di’ak hodi hahú re-ativa fali prosesu ensinu aprendizajen aula prejensiál iha RAEAO, balde 743 ne’e sei instala iha sala kada eskola,” tenik tan.

Iha parte seluk Diretór Edukasaun Rejiaun Administrativu Espesiál Oé-Cusse Ambeno (RAEOA), Daniel Mauno, klarifika simu ona ekipamentu prevensaun COVID-19 husi Diresaun Nasionál iha kinta semana kotuk (13/08).

Notísia Relevante :RAEOA sei re-ativa tan eskola 10

Hafoin simu ekipamentu hirak ne’e, nia dehan eskola sira hahú halo ona preparasaun hodi instala  ekipamentu prevensaun COVID-19 hodi re-ativa ona prosesu aprendizajen ba estudante sira.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here