Prezidente TATOLI IP, Jose da Costa ho Diretor Midia LFTL, Jordao Henrique.Imajen Hortencio Sanchez.

DILI, 17 agostu 2020 (TATOLI)-Orgaun Ezekutivu Liga Futeból Timor-Leste (LFTL), segunda ne’e, entrega sertifikadu apresiasaun ba Agência TATOLI, Institutu Públiku, tanba halo ona kobertura ba atividade futeból LFTL nian durante époka dahuluk to’o dahaat nian.

Responsavel Másimu Mídia LFTL, Jordão Henrique, hateten TATOLI nu’udar parseiru importante ho Liga Futeból Timor-Leste ne’ebé antes ne’e naran Liga Futeból Amadora (LFA), tanba ne’e maka nia parte deside hodi atribui sertifikadu apresiasaun ba Instituisaun Públiku Estadu Timor-Leste nian ne’e.

“Hanesan responsavel mídia LFTL nian sente orgullu tanba durante ne’e hetan kobertura másimu husi TATOLI. TATOLI halao kobertura iha époka hirak luiba ona, maibé hahú iha epoka da-haat (4), TATOLI sai hanesan Patrisinadór, (sponsor) tanba ne’e maka TATOLI nia logo, mosu ona iha kampu ninin, backdrop, tabela klasifikasaun kada jogu no seluktan,” dehan Diretór Mídia LFTL ne’e iha edifísiu LFTL, Bairru Formosa.

LFTL iha ona planu sei estabelese nota kooperasaun servisu iha tempu badak, nune’e parte rua bele hametin liután kooperasaun servisu iha futuru.

Prezidente TATOLI.IP, José da Costa. Imajen/Egas Cristovão

Iha sorin seluk Prezidente Agência TATOLI, Institutu Públiku, José da Costa, hateten ejiztensia LFTL importante ba joven sira atu hamoris ispiritu futeból iha rai-laran.

Relasiona ho sertifikadu ne’ebé oferese hosi LFTL, nia orgullu no  agradese ba insituisaun LFTL tanba bele rekoiñese kontribuisaun TATOLI nian durante ne’e.

“TATOLI nia papel durante ne’e tenta atu halo kobertura hotu-hotu ba atividade LFA (LFTL) nian lliliu  ba jogu sira,” tenik tan.

Ho prezensa TATOLI nian iha área desportu bele diversifika liután informasaun liliu susesu LFTL nian ba futuru.

“TATOLI iha komitmentu nafatin iha époka sira tuirmai liliu husi estrutura foun no muda ona naran foun bele ita atu apoiu liután liuhosi publikasaun notísia sira ligadu ho jogu,” katak José.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here