Prezidente Parlamentu Nasionál (PPN), Deputadu Aniceto Longuinhos Guterres Lopes. Imajen/Joanico de Araujo.

DILI, 17 agostu 2020 (TATOLI)—Prezidente Parlamentu Nasionál, Deputadu Aniceto Longuinhos Guterres Lopes, hateten programa “hakbesik parlamentu ba povu” ne’e loke espasu ba públiku atu hato’o sira-nia aspirasaun.

Notísia Relevante: PN diskute estimasaun orsamentu 2021 ho programa “hakbesik parlamentu ba povu”

Atu hadi’a komunikasaun entre parlamentu ho povu, Aniceto haktuir, la’ós deputadu hotu-hotu tenke tún ba baze (kraik), la’ós hanesan ne’e maibé liuhosi komunikasaun ne’ebé di’ak ho povu no ho kualidade.

“Komunikasaun entre parlamentu no deputadu sira hanesan reprezentante povu ne’ebé deputadu ida reprezenta ba, entaun relasaun ida-ne’e tenke di’ak nafatin no oinsá maka parlamentu bele kria espasu para públiku ka povu bele mai hato’o sira-nia aspirasaun iha kualkér momentu,”, dehan nia iha iha Palásiu Prezidensiál Nicolau Lobato, Bairru Pité, Dili, segunda ne’e.

Nia haktuir, iha IV Lejizlatura bolu naran programa “lian povu”, agora atu la’o daudaun ona no aleinde ne’e hadi’a komunikasaun ne’e parlamentu iha ona rádiu maibé laiha transmisaun direta no iha meiu komunikasaun sira seluk ne’e mak atu kria mós kanál televizaun parlamentu nian.

“Kona-ba kontaktu eleitorál ne’e kontaktu individuál entre deputadu ida ho nia eleitór ka ema ne’ebé hili nia, servisu ida-ne’e (hakbesik parlamentu ho povu) mais polítiku do que ida-ne’e. Nia reprezenta ninia aan ou nia partidu. Instituisaun parlamentu ne’e ema hotu nian, povu tomak ninian. Ita-boot sira bele halo diferensa iha-ne’e,” nia dehan. 

Notísia Relevante: Aniceto Guterres: “Edifísiu foun PN sei poupa subsídiu hosi deputadu sira”

Jornalista : Evaristo Soares Martins

Editór       : Cancio Ximenes

1 KOMENTÁRIU

  1. Deputados sira iha Parlamento representa tia ona povu. Nusa mak tenki iha tan programa hakbesik an ba Povu? Hakbesik ba povu ka atu aproveita tan osan COVID nian nebe sei tomak hela ne ba Imi nia an?

HAKEREK NO HATÁN

Please enter your comment!
Please enter your name here