iklan

NASIONÁL, HEADLINE

CNC preokupa ho jerasaun tuan sira-nia memória istória pasada

CNC preokupa ho jerasaun tuan sira-nia memória istória pasada

Diretór Ezekutivu Centro Nacional Chega (CNC), Hugo Maria Fernandes. Imajen/Antonio Goncalves.

DILI, 17 agostu 2020 (TATOLI)–Centro Nacional Chega (CNC) hala’o nia mandatu bazea ba rograma prinsipál haat (4) liuliu programa peskiza istorika kona-ba transmisaun memória interjerasionál hodi prezerva memória istória pasada lihuosi inan-aman kbiit laek sira-nia istória iha sira-nia involvimentu durante funu iha akupasaun Indonézia 1974 to’o 1999.

Diretór Ezekutivu Centro Nacional Chega (CNC), Hugo Maria Fernandes, hateten oras ne’e CNC preokupa ho jerasaun tuan sira ne’ebé otas nakaras ona ne’e, loron ruma Maromak bolu sira entaun memória istória ne’ebé sira iha ne’e bele lakon mohu.

“Ita (CNC) preokupa ho jerasaun tuan sira tanba sira-nia otas nakaras ona, liuliu ba ita-nia ápa no avó sira iha foho ne’ebé mak lahatene hakerek no lahatene lee. Sira ne’e iha memória barak. Se ita laiha inisitiva no foti memória sira ne’e, ita tauk mak Moramak bolu ka balun memória kleur ona bele haluha tiha entaun la konsege rekorda hotu,” dehan Diretór Ezekutivu CNC, Hugo Maria Fernandes ba jornalista sira iha Antigu Komarka, Balide, Dili, foin lalais ne’e.

Tanba ne’e, Hugo Fernandes hateten, ba oin CNC presiza esforsu atu nune’e bele prezerva memória istória jerasaun tuan sira-nian ne’e, atu nune’e bele husik hela memória istória ne’e ba jerasaun foun sira atu hatene.

“Ba asuntu ne’e, ita presiza to’o iha munisípiu sira hotu liuliu iha área rurál sira atu bele halibur istoria sira-ne’e liuhosi entrevista ho inan-aman sira ne’ebé lahetene hakerek no lee ne’e. Tanba ne’e, husu ba estudante sira ida-idak atu bele rekorda ona sira-nia inan-aman nia istória sira-ne’e,” Hugo Fernandes hateten.

Notísia Relevante: Governu reforsa programa prioridade CNC hodi prezerva memória istória pasada

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!