Diretora Munisipio Dili, Agostinha Segurado.Imajen/Antonio Goncalves

DILI, 13 agostu 2020 (TATOLI)-Diretora Saúde Munisípiu Dili, Agostinha Segurado, hateten Sentru Saúde iha Dili sei  iha estoke ai-moruk sufisiente atu fó tratamentu ba pasiente sira.

Maski daudaun ne’e akontese Servisu Autónomu Medikamentu no Ekipamentu Saúde (SAMES) enfrenta hela estoke mamuk hamutuk pursentu 28% inklui mós ai-moruk vitál ba inan sira partu.

Notísia Relevante :Ministra Saúde Foun Sei Konsidera Problema SAMES

SAMES iha item ai-moruk hamutuk 95 maibé, item 13 mak agora mamuk hanesan magnesium Sulphate 50% Vial /10ml, Pencilin Benzyl Penicilin PFI 1 MU600mg, Amoxicilin/Clavulanate Oral 125mg/31.25mg/5ml.Bot 100ml, Captopril 50mg tabs, Chlorpromazine HCL 25mg tabs, Diclofenac Sodium IM Injection 25mg amp/3ml no mós item sira seluk tan.

”Ai-moruk esensiál ne’ebé mak iha sentru saúde sira ne’e mak hanesan parasetamol, antibiotika no ai-moruk ipertensaun nia mak dalaruma iha no dalaruma natoon deit,” dehan nia ba jornalista sira iha ninia servisu fatin Caicoli Dili.

Daudaun ne’e estoke ai-moruk esensiál sira sei sufisiente hodi uza durante semana ida tan depois semana oin mai  bele akontese estoke menus ona.

”Ami nia esforsu mak ami tenki komunika nafatin ba Diresaun Nasionál Farmasia atu bele asegura hodi bele heta solusaun oinsá para bele komunika nafatin ho SAMES para buka alterantiva seluk atu  estoke nafatin sufisiente,” tenik tan.

Entretantu, SAMES prevee ona Dotasaun Orsamentu Temporariu (DOT) 2019 hamutuk millaun $ 3.7 hodi sosa ai-moruk, no garante estoke ai-moruk ne’e sei tama iha fulan outobru no novembru 2020.

Notísia Relevante :Estoke ai-moruk iha SAMES komesa menus

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here