Ministru Asuntu Parlamentár no Komunikasaun Sosiál, Francisco Martins da Costa Jerónimo. Imajen Tatoli/Egas Cristovão

DILI, 13 agostu 2020 (TATOLI)—Ministru Asuntu Parlamentár no Komunikasaun Sosiál (MAPCOMS-sigla portugés), Francisco Jerónimo, hateten suplementu remuneratóriu ba jornalista sira bazea naran ne’ebé hatama ba Ministériu Finansa (MF).

Notísia Relevante: Governu aprova remunerasaun ba ajente iha Sala Situasaun durante COVID-19

“Jornalista sira ne’ebé mak hala’o servisu iha front line ba Covid-19, atu hetan subsídiu naran haruka hotu ona ba Ministériu Finansa. Ha’u hanoin hosi parte ami-nian, naran halo tiha ona identifikasaun no haruka hotu ona ba iha Ministériu Finansa,”  Ministru Francisco Jerónimo informa ba jornalista sira hafoin hasoru malu ho Prezidente Parlamentu Nasionál, iha PN, kinta ne’e.

Nia esplika, sentru integradu ne’ebé mak iha ne’e hanesan liña koordenasaun iha fatin hotu, ezemplu ema sira-ne’ebé kuarentena de’it iha munisípiu, la mai iha Dili, maibé iha kuarentena ne’ebá iha ema halo servisu, ne’ebé administradór sira servisu iha munisípiu iha kuarentena, iha lei ne’e abranje hotu sira  tanba servisu iha fatin hotu.

Ministru Komunikasaun Sosiál ne’e hateten, Sentru Integradu no Jestaun Krize (CIGC-sigla portugés) ne’e mak sai sentrál ba atividade hotu.

“Sentru integradu mak define, tanba sira haree ba aeroportu, fronteira no mós munisípiu sira, tanba ne’e nia sentrál mak iha Dili maibé  nia koordenasaun ne’e lao ba to’o iha ne’ebá. Entaun,  ema sira hala’o servisu iha front line ne’e iha direitu simu sertifikadu,” nia dehan. 

Naran sira ne’e, nia hateten, iha hotu ona sertifikasaun no sira sei haree atu nunee bele identifika loloos atu nune’e bele la’o tuir saida mak iha.

Front line ne’e CIGC maibé atu dehan de’it katak ita define front line ne’e signifika front line ne’e mak iha fronteira, izolamentu, kuarentena, aeroporto no munisipiu sira-ne’ebé estabelese kuarentena ne’e naran iha hotu,” nia informa. 

Maski nune’e, Ministru Francisco Jerónimo la mensiona númeru jornalista sira-ne’ebé atu hetan subsídiu refere.

Jornalista : Evaristo Soares Martins

Editór        :  Cancio Ximenes

HAKEREK NO HATÁN

Please enter your comment!
Please enter your name here