Komandante Jerál PNTL, Komísariu Faustino da Costa. Imajen Tatoli/Egas Cristovão

DILI, 13 agostu 2020 (TATOLI)- Komandu Polísia Nasionál Timor-Leste (PNTL) liuhusi komandu operasaun realiza enkontru ho Komandu PNTL munisípiu, Unidade, Xefe Servisu no Departamentu sira iha hodi simu orientasaun kona-ba papél PNTL hodi responde ba implementasaun Estadu emerjénsia (EE) tuir Dekretu Governu Nu.10/2020.

Notísia Relevante : PNTL kontinua halo kontrolu másimu ba implementasaun EE

Iha loron 6 agostu 2020, oras 00:00 to’o loron 4 setembru 2020, oras 23:59, Prezidente Repúblika dekreta Estadu emerjénsia hodi prevene Kalamidade Pandemia COVID-19 iha Timor-Leste.

Komandante Jerál PNTL, Komisáriu Faustino da Costa, dehan ho desizaun estadu nian ne’e, komandu fó informasaun no au-mézmu tempu orientasaun balun ba munisípiu no unidade sira kona-ba Estadu emerjénsia (EE) ba dahaat sei halo kontrolu ho di’ak

“Aprezentasaun kona-ba Diretiva Operasaun Kalamidade Saúde Públika ba Prevensaun Propagasaun surtu COVID-19 faze dahaat ne’ebé hato’o husi Komandante Operasaun tanba saida maka agora ita tama fila fali EE dala ida tan, loos katak Timor-Leste livre ona husi surtu ida ne’e, maibé moras ida ne’e seidauk lakon husi mundu ida ne’e,” dehan Komisáriu Faustino liuhusi komunikadu imprensa ne’ebé Agência Tatoli asesu, ohin.

Komisáriu Polísia ne’e afirma, EE hahú implementa no PNTL sei halo servisu kontrolu másimu hodi haree ba esperiénsia iha nasaun barak polísia halo funsaun kontrola sidadaun hotu-hotu atu kumpre regra EE

“Husu ba komandante munisípiu, unidade no xefe servisu sira atu orienta membru sira molok implementa regra balun iha EE ida ne’e bele la’o susesu,” nia apela.

Iha biban enkontru ne’e, Komandante Komandu Operasaun Superintendente Xefe Pedro Belo aprezenta mós diretiva operasionál balun relasiona ho servisu PNTL nian iha ámbitu implementasaun EE dahaat nian bazeia ba Dekretu Governu Nu.10/2020 kona-ba medida lori halo ezekusaun kona-ba deklarasaun EE nu’udar hala’o daudaun tiha ona husi dekretu Prezidente Repúblika Nu.55/2020 de 5 agostu.

Hola parte iha enkontru ne’ebé lidera husi Komandante Jerál maka Komandante PNTL munisípiu 12, Xefe Unidade sira hanesan UEP, UPF, no Xefe Servisu, Departamentu sira iha Kuartél Jerál.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here