Sekretáriu Estadu Formasaun Profisionál no Empregu (SEFOPE), Alarico do Rosário. Imajen/Osória Marques.

DILI, 13 agostu 2020 (TATOLI)–Sekretáriu Estadu Formasaun Profisionál no Empregu (SEFOPE), Alarico do Rosário, hateten propagasaun surtu COVID-19 impede SEFOPE nia atividade liuliu traballadór timoroan sira ne’ebé mak atu ba servisu iha rai-liur.

“Joven barak mak seidauk atinje servisu liuliu ba sira ne’ebé mak atu ba rai-liur maibé to’o agora seidauk iha opurtunidade tanba surtu COVID-19 hodi impede atividade hotu-hotu lala’o inklui ita-nia traballdadór sira ne’ebé mak atu ba asesu servisu iha Korea no Australia paradu hotu,” dehan Seretáriu Estadu Formasaun Profisionál no Empregu (SEFOPE), Alarico do Rosário, ba jornalista sira hafoin hasoru malu ho Ministra Solidaridade Sosiál no Inkluzaun (MSSI) hodi ko’alia kona-ba kooperasaun entre SEFOPE-MSSI iha área fomasaun, empregu no traballa, kinta ne’e. 

Tanba durante ne’e, nia dehan, SEFOPE prepara ona ema hamutuk na’in-700 ka na’in-800 hodi haruka ba Aústralia inklui rabaladór 37 ne’ebé mak sosa tiha ona sira-nia tikete aviaun nian maibé aeroportu sei taka tanba COVID-19 entaun sira labele ba.

“Traballadór 37 ne’ebé mak ami sosa tiha ona sira-nia tikete aviaun nian maibé seidauk bele la’o tanba surtu COVID-19. Tanba ne’e, ita hotu pasiensia hodi hein,” nia dehan. 

Jornalista : Osória Marques

Editór       : Cancio Marques

HAKEREK NO HATÁN

Please enter your comment!
Please enter your name here