Eis Prezidente Komisaun C-PN, Fernanda Lay. Imajen Tatoli/António Gonçalves

DILI, 12 agostu 2020 (TATOLI)—Komisaun C (Finansa Públika) iha Parlamentu Nasionál preokupa ho Ministru Finansa (MF), Fernando Hanjam, no Ministra Saúde (MS), Odete Maria Freitas Belo, la entende malu iha kontabilidade ezekusaun orsamentál.

Membru Komisaun C, Deputada Maria Fernanda Lay, hateten la’ós la konkorda Estadu Emerjénsia hodi kombate surtu COVID-19 maibé kontabilidade orsamentál Governu nian hato’o mai parlamentu hamosu konfuzaun boot.

Deputada Maria Fernanda Lay fundamenta, pagamentu ba benefisiáriu hahú iha inísiu juñu no ba sira-ne’ebé reklama iha momentu ne’ebá katak hafoin loron 15 sei selu hotu, infelismente kuaze fulan-rua ona la akontese.

Nune’e mós, nia dehan, osan $100 ne’ebé iha tranferénsia datoluk ne’ebé bazeia planu pagamentu millaun $143,2 liga ho primeiru levantamentu estraordinária, ne’e $100 sei selu iha juñu, ne’e konta ne’ebé hato’o mai parlamentu tuir planu Governu nian maibé agora Primeiru-Ministru dehan kansela.

Tuir nia, modesta endentimentu kona-ba finansa katak só bele halo bainhira halo balansu iha fins períodu maibé enkuantu sei iha despeza korrente Governu nunka bele hatete iha balansu, tanba ezekusaun orsamentu ne’ebé prevee ba fundu COVID-19 hamutuk millaun $220.

“Osan millaun $220 ne’e komposta hosi 150 maibé millaun $70, ita gasta ona millaun $51,1%, la tama obrigasaun ho kompromisu, ita gasta millaun $ 112,42, sei iha saldo millaun $107,58. Ne’e ha’u-nia modesta ka entendimentu kona-ba finansa. Ami-nia preokupasaun enkuantu señora Ministra Saúde komplain sasán ne’ebé tenke hadi’a. Señor Ministru Finansa halo poupansa, ne’e kontradisaun. Bainhira ita boot sira hetan malu iha Konsellu-Ministru saida mak ita boot sira deskuti kona-ba ezekusaun, ne’e muito komplikadu. Señor Primeiru-Ministru, ha’u la komprende ita-boot nia ministru la entende malu iha konta (contas),” Membru Komisaun C ne’e levanta liuhosi plenária, tersa ne’e.

Deputada Maria Fernanda Lay hateten, bazea ba dekretu-lei ne’ebé regula fundu COVID, Governu tenke  periodikamente hato’o relatóriu ba Parlamentu Nasionál

Eis Prezidente Komisaun C (Finansa Públika) ne’e preokupa ba Ministru Finansa, Fernando Hanjam no Ministra Saúde, Odete Maria la entende malu iha konta, ida-ne’e komplika Komisaun C iha Parlamentu Nasionál.

 Jornalista : Evaristo Soares Martins

Editór        :  Cancio Ximenes

HAKEREK NO HATÁN

Please enter your comment!
Please enter your name here