Mahein Akolitu Sao Tarcisio vizita Parokia Maria Auxiliadora Comoro.Imajen/Felicidade Ximenes.

DILI, 11 agostu 2020 (TATOLI)-Mahein ba Akólitu, São Tarcisio, iha tersa ne’e hala’o vizita ba sarani sira iha Parókia Maria Auxiliadora Comoro hodi fanun filafali akólitu sira atu hametin devosaun Eukaristia ba Jesus Kristu no serbi sarani sira.

Padre Paróku Maria Auxiliadora Comoro, João Maria Roque Guterres SDB, hateten vizita mahein akólitu ne’e iha ámbitu selebrasaun aniversariu Santo Tarcisio ne’ebé sei komemora iha loron 15 fulan-agostu 2020.

”Hau-nia mensajen  ba sarani sira iha Parókia Maria Auxiliadira Comoro katak nafatin banati tuir Santo Tarcicio nia ilas tanba nia nu’udar labarik kiik oan maibé  sai santu, ida ne’e hanesan modelu no ezemplu diak ba akólitus  no kiik oan sira atu motiva tuir fiel hadomi Jesus to’o mate  hodi hametin liu tan akolitus sira-nia fiar nune’e mós sira-nia misaun hodi serbi iha igreja no ba maluk sira  iha fatin hou hotu,’’ dehan Amu Paróku ne’e iha Igreja Comoro, tersa ne’e.

Durante vizitasaun São Tarcisio nian iha Parokia Comoro, Padre Paróku ne’e dehan sei iha atividade  formasaun ba sarani inklui akólitu sira ho tema kriasaun nian liliu liga ba misaun no moris São Tarcisio ne’ebé maka hadomi eukaristia, formasaun ne’e sei realiza iha kuarta (12/08).

“Santo Tarsicio nia vizita iha Paroku Maria Auxiiadora Comoro  no iha  kalan ne’e sei iha belada.  tema ida ne’e di’ak tebes hodi hakle’an no profunda liután foinsa’e no akolitus sira-nia domin ba eucaristia ,’’ tenik tan.

Parókia Maria Auxiliadora Comoro simu ilas mahein Santo Tarcisio husi Parókia Maria Imaculada Conceiçao Katedral Dili iha tuku 3:00 Otl; depois iha kuarta (12/08) sei entrega hikas ba Parókia São José Aimutin Dili.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here