Ministru Edukasaun Juventude no Desportu, Armindo Maia.Imajen/Antonio Goncalves

DILI, 12 agostu 2020 (TATOLI)-Governu liuhosi Ministériu Edukasaun Juventude no Desportu, Armindo Maia, hateten nia parte deside ona kalendáriu ezame nasionál ba estudante finalista no ezame trimestrál sei realiza iha fulan-novembru.

Tuir kalendáriu normal ezame nasionál hala’o iha fulan-outobru kada tinan maibe tenki adia ba fulan-novembru tanba problema pandemia globál surtu COVID-19 afeta ba prosesu aprendizajen la’o la másimu.

Despaixu Ministeriál ne’e fó sai ona ba públiku no haruka ona ba kada eskola iha territóriu Timor-Leste.

“Agora balun parese simu ona no balun seidauk maibé ita fó sai ona,” dehan Governante ba jornalista sira iha salaun konferénsia imprensa MEJD Vila Verde Dili.

Nia informa prosesu aprendizajen ba estudante sira iha Munisípiu balun la másimu.

“Ha’u foin fila husi Maliana no Viqueque  ne’ebé estudante balun dehan atividade aulas prejensiál loron ida iha no loron ida laiha. Ha’u la hatene profesór sira mak baruk ka oinsá  tan ne’e ita sei haree kestaun ne’e,” tenik Armindo Maia.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here