Ofisiál Lalenok United FC protesta desizaun árbitru prinsipál, domingu (11/8). Imajen Mídia LFA

DILI, 12 agostu 2020 (TATOLI)-Árbitru na’in 25 husi Asosiasaun Dili Leste termina ona kursu árbitru nian  ne’ebé hala’o ona durante loron lima iha Dili.

Formasaun ne’e oferese husi Asosiasaun Árbitru Timor-Leste (AATL) no Federasaun Futeból Timor-Leste (FFTL) iha Dili.

Diretór AATL, Aniceto Berlelo, hateten objetivu husi formasaun ne’e atu prepara Timoroan sira iha árbitru nian nune’e bele dirije jogu futeból nivél nasionál no munisipál.

“Iha materia rua mak sira aprende hanesan materia tékniku nian no materia ida fali ita bolu fitnes test ne’ebé horseik iha parte fitnes test ninian iha sira na’in lima de’it mak pasa maski seluk ne’e di’ak hotu mais lima seluk mak tama iha kategoria di’ak liu nian,” dehan nia ba jornalista sira iha salaun Xanana Sport Center Bairru Formosa Dili.

Ba formandu sira ne’ebé la pasa iha faze fitness test ninian sei tuir fali formasaun iha faze daruak nian ne’ebé sei akontese iha futuru.

“Ita hotu hatene árbitru ida kuandu atu ba dirije jogu nia fintes tenke di’ak, kestaun mak formasaun ba árbitru sira importante liu ba fitnes test nian hanesan pontus importante ida ba sira hodi dirije jogu,” tenik Aniceto.

Enkuantu formandu sira ne’ebé maka pasa ona formasaun árbitru nian sei simu sertifikadu hosi AATL no FFTL ho lisensa D.

Entretantu, komesa tinan 2019 to’o agora AATL oferese ona formasaun ba árbitru foun ho lisensa D hamutuk ema na’in 350 no soma hamutuk ho árbitru senior hamutuk ema na’in 500.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here