Violénsia seksuál ba menór. Imajen/Google

DILI, 11 agostu 2020 (TATOLI)-Tribunál Distritál Díli (TDD), ohin, liuhusi desizaun final kondena arguidu ho inisiál JFR ho pena efetivu prizaun  tinan-12 tanba faktu provadu komete krime violasaun seksuál hasoru lezada NC nu’udar menoridade ne’ebé akontese iha 2017 iha Dili.

Molok tama ba leitura Tribunál husu ba Ministériu Públiku  (MP) ho defeza, kona-ba alterasaun Tribunál nian  ba artigu 171 no 173 kona-ba koasaun seksuál no agravasaun, maibé parte rua  mantein ho krime ne’ebé antes ne’e MP imputa ba arguidu.

Iha leitura sentensa Tribunál deside halo alterasaun ba krime koasaun seksuál no agravasaun, nune’e Tribunál absolve arguidu husi krime rua ne’e, no altera fali ba krime abuzu seksuál ba menór, razaun tanba momentu akontese lezada ho idade tinan-14.

Antes ne’e, MP promove arguidu ho krime mai ho violasaun ho agravasaun husi artigu 171 no 173 Kódigu Penal  nian, maibé Tribunál haree katak labarik ho menoridade ho tinan-14 entaun sira altera ba iha abuzu seksuál ba menór

Tuir entendimentu Tribunál kondena arguidu ho pena prizaun efetivu tinan-12 husi artigu 177, númeru 1 kona-ba abuzu seksuál ba menór.

Ho desizaun Tribunál  primeira instánsia ne’e parte sira la konkorda bele halo rekursu dentru loron-15 nia laran (sura husi loron akórdaun) Tribunál nian.

Leitura  akórdaun ne’e prezide husi Juiza Maria Solana, Ministériu Públiku reprezenta husi Prokuradór Domingos Barreto, arguidu hetan asisténsia legál husi Advogadu privadu, Jonas Henrique.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here