Kay Rala Xanana Gusmão ni Primeiru-Ministru, Taur Matan Ruak.

DILI, 11 agostu 2020 (TATOLI)—Primeiru-Ministru (PM), Taur Matan Ruak, apresia ho Eis Primeiru-Ministru, Kay Rala Gusmão, ninia jenerozidade ne’ebé antes ne’e apoia Governu Timor-Leste hodi kombate propagasaun surtu COVID-19.

“Iha ne’e, ha’u hakarak louva maun Xanana nia jenerozidade tanba Governu seidauk aprezenta Estadu Emerjénsia, nia mak ejize. Ha’u kuandu to’o fali ha’u-nia uma, ha’u-nia oan dehan avo Nana iha fronteira, porque buat sira-ne’e sei kontinua. Avo Nana dehan taka, nusá mak imi (Governu) loke nafatin. Ne’e hanesan fó apoiu ba ami,” Primeiru-Ministru, Taur Matan Ruak, louva Xanana Gusmão liuhosi plenária estraordinária ba votu konfirmasaun Estadu Emerjénsia, tersa ne’e.

Xefe Governu konsidera ideia hosi Xanana Gusmão hanesan motivasaun ida hosi nia apoia ba Governu iha prevensaun hasoru surtu COVID-19.

Xefe Governu ne’e hateten, atu kombate surtu COVID-19 presiza ema hotu nia kontribuisaun tanba moras ne’e globál, tanba ne’e Timor-Leste tenke prepara-aan hodi hasoru situasaun saida de’it.

Jornalista : Evaristo Soares Martins

Editór       :  Cancio Ximenes

HAKEREK NO HATÁN

Please enter your comment!
Please enter your name here