Prezu nia liman. Imajen/google

DILI, 11 agostu 2020 (TATOLI)- Ministériu Justisa (MJ)  liuhosi Diresaun  Nasionál Prizaun hamutuk ho Diresaun Prizaun Becora, segunda (10/08), kontinua  halo transferénsia  dadur na’in-21 husi Prizaun Becora ba iha Prizaun  Gleno.

Notísia Relevante : Ministériu Justisa transfere tan dadur na’in-21 bá Prizaun Suai

“Liuhusi orientasaun  Vise Ministru Justisa,  José Edmundo Caetano nian, ami muda tan ona dadur na’in-21 ba iha Prizaun Gleno ne’ebé sei iha espasu. Ami  muda sira tanba iha Prizaun Becora over capacity ona,” informa Diretór Estabelesimentu Prizaun Becora, João Domingos,  ba Agência Tatoli, ohin, via telefone.

Nia hateten, prezu hirak ne’ebé halo transferénsia ne’e kompostu husi kondenadu nain-18 no prizaun preventiva nain-tolu (3).

“Daudaun ne’e iha Prizaun Becora hela dadur hamutuk na’in-547,” João Domingos informa.

Antes ne’e, iha loron 08 agostu, tinan ne’e, Prizaun Becora halo ona transferénsia  mós ba dadur na’in-21 ba Prizaun Suai.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here