Sekretária Estadu Igualdade no Inklusaun, Maria José da Fonseca Monteiro de Jesus. Imajen/ António Goncalves

DILI, 11 agostu 2020 (TATOLI)-Governu liuhosi Sekretáriu Estadu Igualdade Inkluzaun (SEII), Sekretáriu Estadu Arte no Kultura (SEAK), Sekretáriu Estadu Kooperativa (SEKoop) no Sekretáriu Estadu Juventude no Desportu (SEJD), segunda ne’e halo ona diskusaun ba planu implementasaun kooperativa komunitária hodi hakbi’it ekonomia ba grupu feto, joven, ferik no katuas sira iha baze.

SEII,  Maria José da Fonseca Monteiro de Jesus, hateten  diskusaun ne’e baseia ba orientasaun Primeiru-Ministru, Taur Matan Ruak, hodi implementa programa ne’e ho objetivu atu fó oportunidade ba grupu ki’ik sira bele asesu fundu husi kooperativa komunitária.

“Ami husi Instituisaun haat halo hela diskusaun tanba simu instrusaun husi Primeiru-Ministru atu tau matan ba komponente tolu hodi empodera fundus kooperativa komunitária iha nivel baze ka suku,” dehan nia ba Agência Tatoli, iha edifísiu SEII Obrigado Barak Caicoli Dili.

Nia dehan, komponente tolu maka sei sai alvu ba implementasaun programa kooperativa komunitária hanesan grupu feto, joven no ferik-katuas ne’ebé maka involve aan iha atividade kultural suku nian.

Iha diskusaun Sekretáriu Estadu Igualdade no Inkluzaun sujere atu orsamentu ne’ebé maka durante ne’e aloka ba área kooperativa atu transfere filafali ba kooperativa komunitária nune’e labele hatodan iha Orsamentu Jerál Estadu (OGE).

“Hanoin ida husi SEII maibé ita sei hein kuandu diskusaun ne’e mak finaliza ona ho konkordansia hamutuk ami sei aprezenta fali ba Primeiru-Ministru kuandu aseita ona mak ami Sekratriu Estadu na’in haat ida-idak sei hatama fundus ne’e ba iha proposta Orsamentu Jerál Estadu 2021 nian,” tenik tan.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here