Diretora Jerál Prestasaun Servisu Saúde, Odete Viegas. Imajen Tatoli/Egas Cristovão

DILI, 10 agostu 2020 (TATOLI)-Servisu Laboratóriu Nasionál kada loron halo teste ba suspeitu COVD-19 hamutuk ema na’in 90-resin.

Koordeadora Jerál Komisaun Prevensaun COVID-19,  Odete Viegas da silva, hateten problema rekursu umanu maka sai fatór ne’ebé impede servisu Laboratóriu Nasionál hodi bá foti amostra husi suspeitu coronavirus ne’ebé hela iha kuarentena no auto-kuarentena sira.

”Preokupasaun mak rekursu umanu sira ne’ebé mak iha atu fahe hodi bá foti amostra iha Kuarentena  no auto-kuarentena  menus maibé sira tenki ba foti sampel sira ne’e iha kuarentena no iha auto-kuarentena tanba ida ne’e mak ita-nia servisu,” dehan Odete ba jornalista sira iha HNGV, hafoin halo enkontru koordenasaun servisu ho Laboratóriu Nasionál, segunda ne’e.

Kona-ba ekipamentu, nia dehan liliu reajente atu koko pasiente sira-nia ran sei sufisiente, maibé problema  maka falta profisionál sira atu foti amostra ran tanba halo servisu dupla, servisu regular iha HNGV no COVID-19 nian.

”Preokupasaun ne’ebé mak ami enfrenta durante ne’e mak servisu ne’ebé mak boot husi servisu Laboratóriu  nian sira tenki fahe tempu hodi servisu regular no servisu COVID-19 nian,” tenik nia.

Ekipa servisu husi pilar tolu no lima ba prevensaun pandemia globál surtu COVID-19 ninian maka bá foti amostra ran husi suspeitu sira iha kuarentena no auto-kuarentena sira.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here