Defensor Públiku Jerál, Câncio Xavier. Imajen Tatoli/Dok

DILI, 10 agostu 2020 (TATOLI)- Defensór Públiku Jerál, Câncio Xavier, hatete, durante periodu férias judisiáriu husi loron 1 agostu to’o 15 setembru, tinan ne’e, Defensor Públiku  aplika turnu atu bele atende iha julgamentu urjénsia ba prosesu krime hanesan prosesu sumáriu, arguidu detidu, prezu no primeiru interrogatóriu iha Tribunál sira.

Notísia Relevante : Númeru Defensór Públiku seidauk sufisiente

“Turnu antes ne’e ita fahe ona Defensór Públiku  titular ne’ebé toma konta prosesu sira hodi asegura julgamentu ne’ebé la’o durante férias judisiáriu,” hateten Defensór Públiku Jerál, Câncio Xavier ba Agência Tatoli, foin lalais ne’e, iha nia kna’ar fatin Maskarinhas, Dili.

Tuir dadus Defensoria Publika Munisipiu Dili, Baucau, Suai no Oe-cusse iha  primeiru trimestre husi janeiru to’o marsu 2020, andamentu no prosesu sira ne’ebé Defensoria Publika akompaña  kazu krime hanesan ba kazu krime foun 362, kazu pendente 66, julgamentu singular 213, julgamentu koletivu 149, rekursu ordináriu/extra 20, julgamentu movel 54, arkivu permanente 198, arkivu temporáriu, prosesu sumáriu 12, kazu krime, desizaun sentensa/akórdaun 20, kazu sivíl ba kazu foun 121, kazu pendente 71, atendimentu públiku 137, mediasaun 12, petisaun inisiál 8, kontestasaun 18, rekursu ordináriu/extra 4, rekerimentu ba Tribunál 31, julgamentu no Tribunál 81, notifikasaun tribunál 210, arkivu permanente 17, arkivu temporáriu 8,

Hosi númeru kazu krime ne’e ho númeru ne’ebé aas mak integridade fízika  no ba kazu sivíl mak  kontratu empresta malu osan entre kompañia sira hodi hala’o projetu.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here