Ministra Saude, Odete Maria Freitas Belo, no Vise Ministru Saude, Bonifacio Maucoli dos Reis, inagura Sentru Saude iha Hatulia B.Imajen/Felicidade Ximenes.

HATULIA,08 agostu 2020 (TATOLI)-Reprezentante Komunidade husi Suku lima iha Postu Administrativu Hatulia B Munisípiu Ermera, Hendrique da Silva, reprezenta komunidade sira hato’o agradese ba Governu liliu Ministériu Saúde tanba konstrõe ona Sentru Saúde Cabo Martinho da Silva Guisarudo hodi hakbesik ona atendimentu saúde ba komunidade.

”Ami agradese tebes ba Ministériu Sa’ude tanba pela primeira vez harii ami-nia Sentru Saúde iha suku lima iha Hatulia B nia leten, ami kontenti tebes tanba fasilita ona ami hodi halo tratamentu saúde besik liután,”dehan Nia iha Hatulia B, sesta ne’e.

Notísia Relevante :MS inagura Sentru Saúde Hatulia B

Nia esplika durante ne’e komunidade sira tenki la’o dook hodi ba halo tratamentu saúde.

“Ami komunidade agradese liu ba Vise Ministru Saúde, Bonifácio Maucoli dos Reis tanba nia esforsu tomak hodi harii sentru saúde ida ne’e iha ami nia leet,”tenik tan.

Notísia Relevante :Vise MS inaugura Postu Saúde Atara

Entretantu,Sentru Saúde ne’e  konstrõe husi Kompaña Altarica Unipessoál LDA ho orsamentu  hamutuk $ 423.900, obra ne’e implementa hahú iha fulan-outobru 2019 no ramata iha iha fulan-jullu 2020.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here