iklan

EDUKASAUN

Dinámika polítika rai-laran hamoris Movimentu Patriotismu Konstitusionál

Dinámika polítika rai-laran hamoris Movimentu Patriotismu Konstitusionál

Pe. Júlio Crispim Belo. Imajen Tatoli/Cipriano Colo

DILI, 08 agostu 20202 (TATOLI)-Prezidente Justisa ba Páz, Padre Julio Crispin, hateten Movimentu Patriotizmu Konstitusionál ne’ebé maka uma kreda estabelese atu responde ba dinámika polítika ne’ebé akontese iha rai laran hafoin akontesimentu iha Parlamentu Nasionál hodi harahun podér polítika nasaun nian.

“Ha’u ko’alia loloos de’it katak movimentu ida ne’e moris wainhira meza Parlamentu rahun,  Amu Domingos, hamrik iha Parlamentu Nasionál nu’udar Padre no uma kreda hodi hateten hahalok sira ne’e ladi’ak,” informa nia durante Semináriu Nasionál Movimetu Patriotismu Konstitusionál ho tema  “Konsiensia Kritika ba Nasaun”, ne’ebé realiza iha UNPAZ, Sábadu (08/08).

Ejiztensia Movimentu nian la’ós atu provoka ka harahun poder Orgaun Soberania maibé atu kontribui opiniaun  sira hodi reprezentante povu iha PN bele ezerse poder polítika tuir duni konstituisaun RDTL.

“Konstituisaun mak ispiritu  povu no nasaun no ispiritu funu sira nian, wainhira laiha justisa laiha páz no direitu povu nian ema viola Igreja sei hamrik,”tenik tan.

Nia dehan, Bispu Dioseze Dili, Baucau no Maliana maka fó poder ba Komisaun Justisa no Páz atu hala’o misaun ne’e.

“Ne’e duni Igreja konvida sidadaun hotu husi Universitáriu no povu hanesan sarani no sira ne’ebé la’ós sarani atu la’o hamutuk hato’o kritika atu Estadu ida ne’e bele la’o tuir duni konstituisaun ne’ebé lori vontade povu no Heroi Nasaun ida ne’e,” nia hateten.

Jornalista : Tomé Amado

Editór       : Agapito dos Santos

iklan
iklan

Leave a Reply

iklan
error: Content is protected !!