Prezidente ANPM sesante, Gualdino do Carmo da Silva. Imajen Tatoli/António Gonçalves

DILI, 07 agostu 2020 (TATOLI)-Prezidente Autoridade Nasionál Petróleu no Minerál (ANPM), Gualdino do Carmo da Silva, agradese konfiansa Governu ne’ebé depozita ba nia, durante tinan 13 nia-laran hodi kaer instituisaun importante Timor-Leste iha área petróleu.

“Oportunidade ne’e hakarak lori ha’u-nia naran rasik no mós hau-nia família, hakarak hato’o obrigadu no mós agradeseba Governu, hahú hosi IV Governu mai to’o VIII Governu,” dehan Gualdinho iha seremónia hand over ba Prezidente ANPM foun, ne’ebe realiza iha edifísiu Ministériu Finansa, sesta ne’e.

Notísia Relevante: Entrega serbisu, Prezidente ANPM sesante husu kontinua peskiza esplorasaun petróleu

Biban ne’e, nia apresia entidade ne’ebé durante ne’e atribui konfiansa ba nia.

“Apresia Primeiru-Ministru, Konsellu  Ministru no Ministru ne’ebé durante ne’e depozita konfiansa ba ha’u  atubele mai kaer papél ne’ebé importante ba nasaun, agradese ba oportunidade,” nia subliña.

Gualdino do Carmo da Silva ramata mandatu nu’udar Prezidente ANPM iha 30 juñu 2020 no iha loron 29 jullu 2020, Governu liuhosi desizaun Konsellu Ministru deside la estende ninia mandatu hodi nomea Prezidente ANPM foun, Florentino Mateus Soares Ferreira, ba mandatu tinan haat.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here