Karreta Prado Parlamentu Nasionál. Imajen/Espesiál

DILI, 7 agostu 2020 (TATOLI)—Sekretáriu Jerál Parlamentu Nasionál, Cedelizia Faria dos Santos, fó-sai katak parlamentu planeia sosa karreta foun maibé sei hein kazu karreta Prado ne’ebé oras ne’e iha ona Ministériu Públiku (MP).

Cedelizia Faria dos Santos hatutan, to’o agora parlamentu seidauk simu karta notifikasaun ida kona-ba kazu karreta Prado sira-ne’e, tanba ne’e mak prosesu ne’e sei pendente hela.

Notísia Relevante: Kazu Karreta Prado PN, Simu Orientasaun Hosi Saudozu La Sama

“Ami mós hein hela no ami-nia hakarak ne’e informasaun lalais di’ak liu. Nune’e, halo planu karik halo akizisaun karreta atu sosa karreta foun maibé ami sei hein hela rezultadu maibé seidauk hetan rezultadu loloos,” dehan Cedelizia Faria dos Santos ba jornalista sira hafoin prezide reuniaun ekipa traballu hodi halo elaborasaun orsamentu Parlamentu Nasionál nian ba 2021, iha sala konferénsia Parlamentu Nasionál, sesta ne’e.

Kazu karreta Prado ne’e iha Ministériu Públiku kona-ba Eis Deputadu na’in-12 ne’ebé to’o oras ne’e seidauk entrega karreta Prado. Karreta Prado ne’e, sosa iha III Lejizlatura ho folin $63.000 kada unidade.

Notísia Relevante: Xanana Orienta Saudozu Lasama Sosa Karreta Prado ba Deputadu

 Jornalista : Evaristo Soares Martins

Editór        :  Cancio Ximenes

HAKEREK NO HATÁN

Please enter your comment!
Please enter your name here