Ai-funan iha Maubisse. Imajen/Farming study

MAUBISSE, 07 agostu 2020 (TATOLI)Jestora Pouzada Maubisse, Bella Galhos, husu ba Governu liuhosi Ministériu Turizmu, Komérsiu no Indústria (MTKI) atu realiza hikas festivál ai-funan.

iha ámbitu vizita Ministru Turizmu, Komérsiu no Indústria, José Lucas do Carmo da Silva ba Pauzada Maubisse, Bella Galhos hato’o inisiativa ne’e tanba tinan ne’e festivál ne’e seidauk la’o.

“Ami kuda ai-funan no ami halo koolaborasaun ho ai-funan sira, kada tinan realiza festivál ai-funan dala-tolu no ha’u mak halo. Festivál ne’e bele loke Maubisse ba Dili no mundu, maibé tinan ne’e programa provizóriamente paradu tanba ne’e husu apoia Governu liuliu Ministériu Turizmu, Komérsiu no Indústria atu realiza hikas atividade ne’e,” hateten Dirijente Pouzada Maubisse.

Atividade feira ai-funan ne’e paradu bainhira akontese situasaun polítika rai-laran ne’ebé la estável no agora daudaun sei iha hela pandemia COVID-19 nia laran.

Bella konsidera, eventu ne’e di’ak tanba bele hatudu potensialidade munisípiu nian, ne’ebé Maubisse rasik iha pontensialidade barak liuliu ai-funan.

Hatán ba preokupasaun ne’e, Ministru José Lucas, garante Governu prontu apoia programa ne’e tanba inisiativa di’ak.

“Loos duni katak iha Maubisse realiza feira bebeik ona maibé agora paradu tanba situasaun polítika rai-laran no pandemia COVID-19 maka agora sira informa katak sira hakarak hahú fali. Governu sempre fó apoia tanba hanesan inisiativa ne’ebé di’ak tebes,” nia realsa.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here