Atividade traballadór iha projetu estrada Manduki, Atabae. Imajen Tatoli/António Gonçalves

DILI, 06 agostu 2020 (TATOLI)-Reuniaun Konsellu Ministru (KM) estraordinária kinta ne’e, aprova ona projetu deliberasaun rua, ne’ebé aprezenta husi Ministru Obra Públika, Salvador Soares dos Reis Pires, kona-ba aprovasaun prosedimentu ba aprovizionamentu suplementu ka alterasaun ba kontratu públiku sira.

Ministru Prezidénsia Konsellu Ministru , Fidelis Manuel Leite Magalhães, hateten diploma ne’e relasiona ho estensaun prazu entrega obra melloramentu no manutensaun ba trosu estrada Baucau no Lautém, Maubara no Karimbala, no entre Atsabe no Mota-ain.

“Proposta ne’e kompañia husu estensaun loron de’it, ne’ebé iha ne’e sei laiha implikasaun  osan, la atera montante osan tanba razaun motivu oioin maka ohin halo proposta ba estensaun loron ne’ebé presiza atu sira bele halo hotu obra,” relata Ministru Fidelis, hafoin reuaniaun KM iha Palásiu Governu, kinta ne’e.

Iha sorin seluk, Ministru Salvador, informa ohin Ministériu Obra Públika (MOP) mós halo projetu deliberasaun  ba estensaun obra trosu nasionál rua ba empreza naran CBN ho Chonking International joint venture, ne’ebé hanesan manán nain ba konkursu públiku ba estrada hirak ne’e.

“Sira-nia kontratu kaduka iha loron 22 fevereiru, ho nune’e ami hatama fali sira-nia kontratu ne’e iha janeiru kedas, maibé tanba ita-nian burokrasia ne’e naruk tebes maka tenke hetan naun obsesaun hosi Asian Development Bank (ADB) hanesan parseiru ne’ebé maka fó empréstimu mai ita  no mós tenke iha parseiru pozitivu hosi Ministériu Finansa. Tanba ne’e ohin ita halo fali estensaun ba proposta ne’e,” nia subliña.

Tuir Goverante ne’e, obra projetu trosu nasionál ne’e kompañia halo atinje ona porsentu 73.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here