Vise-Governadór BCTL, Venâncio Maria Alves. Imajen Tatoli/António Gonçalves

DILI, 04 agostu 2020 (TATOLI)-Tuir dadus hosi Banco Central Timor-Leste (BCTL) katak iha fulan-marsu 2020 fundu mina-rai monu hamutuk millaun $844, maibé iha trimestre ne’e rekupera fali ona hamutuk millaun $388.

“Iha marsu 2020, ita-nia fundu monu totál millaun $844, maibé iha trimestre ne’e, hosi totál millaun $844 rekupera filafali ho totál retornu intermu dolar hamutuk biliaun $1,2, rekopera ho pozitivu millaun $386,” relata Vise-Governadór BCTL, Venâncio Maria Alves, iha ámbitu lansamentu relatóriu trimestre daruak iha salaun ekontru BCTL, Akait, Dili, tersa ne’e.

Nia hatutan, rekuperasaun ne’e kauza hosi reazen merkadu finanseiru internasionál ninian ba asaun nasaun barak ne’ebé maka hola medida loke fali ekonomia hosi Estadu Emerjénsia no fó espasu fali ba atividade ekonomia bele la’o fali, hafoin nasaun sira barak iha mundu inklui Estadu Unidu Amérika (EUA) no nasaun boot sira hola asaun polítika fiskál ne’ebé estimulu hodi suporta ekonomia nasionál rasik ne’ebé fó impaktu pozitivu ba merkadu finanseiru.

Nune’e mós, relasiona ho situasaun COVID-19, iha nasaun balun halo teste ba vasina, ne’ebé iha ona indikasaun sinál pozitivu, tanba ne’e mak merkadu rekupera no aumenta mós asaun banku sentrál sira ne’ebé mak halo polítika monetária atu suporta filafali ekonomia ne’ebé mak monu durante períodu COVID-19.

Jornalista: Antónia Gusmão

Editora: Julia Chatarina

 

 

HAKEREK NO HATÁN

Please enter your comment!
Please enter your name here