Magnífiku Reitór Universidade da Paz (UNPAZ), Adolmando Amaral. Imajen/Eugénio Pereira

DILI, 03 agostu 2020 (TATOLI)-Pesoál seguransa hamutuk ema na’in 14 ne’ebé maka Universidade da Paz (UNPAZ) kontratu antes ne’e, ameasadu sei lakon sira-nia servisu tanba la konsege fó seguransa ba areadór eskola nian hodi rejulta estudante Alfredo Miranda Alves hetan sona husi ema deskoñesidu, iha segunda ne’e.

Magnífiku Reitór UNPAZ, Adolmando Amaral, hateten sei halo avaliasaun servisu ba pesoál na’in 14 ne’e iha tempu badak.

Notísia Relevante :Ema deskoiñesidu sona estudante UNPAZ

“Ami sei haree fali performasaun seguransa interna ni’an 14 nian liuhusi avaliasaun ne’ebé sei halo, posiblidade bele aumenta(kontratu) ka bele hapara totál hodi kontratu fali ho kompañia balun atu mai apoiu seguransa iha UNPAZ,”informa nia ba jornalista sira iha UNPAZ.

Nia deskonfia kazu ne’e akontese tanba seguransa sira la halo servisu másimu hodi fó livre ema liur tama livre to’o mosu kazu insidente ne’e.

Notísia Relevante :Konfrontu Iha UNPAZ, Na’in-Ida Mate Fatin

Antes ne’e, PNTL liuhosi Unidade BOP monta ona postu seguransa iha ne’ebá no reforsa husi seguransa UNPAZ nian, maibé nia kestiona mak kazu krime ne’e sei kontinua mosu to’o rezulta estudante kanek.

Notísia Relevante :Ema Tuda Kanek Reitór UNPAZ

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here