Tanke Bee-Moos Tohu-Meta, iha Suku Tohu-Meta, Postu Administrativu Laulara, Munisípiu Aileu. Imajen Espesiál.

DILI, 03 agostu 2020 (TATOLI)–Governu liuhosi  Xefe Departamentu Abastesimentu Água Munisípiu Dili, Francisco Xavier Pereira, informa pesoál DNSA na’in tolu (3) hosi abastesimentu água nian mak kontinua halo seguransa no limpeza ba bee-matan Tohu-meta, Manleuana, Munisípiu Aileu nian hodi nune’e bele garante bee-matan nia kualidade, hafoin mosu polémika iha fulan hirak kotuk tanba komunidade balun uza bee-matan ne’e hodi haris.

Notísia Relevante: Semana ne’e, Governu Sei Monta Kuadru Avizu Rezervatóriu iha Tohu-Meta

“Ho ida-ne’e, ami koloka ona pesoál seguransa no limpeza iha bee-matan Tohu-Meta nune’e kontinua asegura bee ne’e ninia kualidade hodi bele fornese ba komunidade sira iha urbana, maski área bee-matan ne’e pertense ba Aileu nian,” dehan Xefe Departamentu Abastesimentu Água Munisípiu Dili, Francisco Xavier Pereira, ba Agência TATOLI iha nia knaar fatin Mascarinhas, Dili, segunda ne’e. 

Maski bee-matan ne’e uluk komunidade sira utiliza haris iha laran, nia dehan, agora laiha problema tanba bainhira bee ne’e komsumidór sira konsumu, abastesimentu urbana sempre halo teste hafoin fornese bee ne’e ba komunidade.

“Ami garante bee-matan ne’e nia kualidade tanba antes bee ne’e ba komsumidór ne’e, tenke liuhosi fatin tratamentu ida. Bainhira ita deteta bee merak ka bee kontaminadu hosi foer ema-nian ka animál nian inklui aitahan sira, ita sempre tais mak distribui ba komunidade sira,” nia dehan. 

Xefe Abastesimentu Urbana ne’e kontinua garante katak iha futuru ne’e, bee-matan Tohu-Meta sei nafatin fornese bee ne’ebé mak iha kualidade ho di’ak liután ba komsumidór sira iha urbana.

Notísia Relevante: Fornesementu bee-moos ba komunidade urbana la’o normál

Jornalista : Osória Marques

Editór        : Cancio Ximenes

HAKEREK NO HATÁN

Please enter your comment!
Please enter your name here