Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno. Imajen Tatoli/Egas Cristovão

DILI, 03 agostu 2020 (TATOLI)-Ministériu Negósiu Estranjeiru no Kooperasaun (MNEK) daudaun ne’e kontinua akompaña Timoroan na’in 10 ne’ebé hetan inséndiu ahi han sira nia hela fatin hodi han mós na’in ida ninia pasaporte.

 “Agora buat hotu hanesan asidente ema ida de’it mak nia pasaporte ahi han embaxada tau matan ona mais ami seidauk iha relatóriu halo nusa maibé  atu halo(pasaporte) ne’e fila mai Timor- Leste mak halo ka oinsá, parese bele ajuda ho travel document, maibé ami seidauk iha informasaun kona-ba ne,e,” informa Ministra Negósiu Estranjeiru no Kooperasaun (MNEK), Adaljiza Magno, iha edifísiu Ministériu Finansa, Aitarak-Laran Dili.

Notísia Relevante :Timoroan Na’in Ida iha Austrália Ninia Pasaporte Ahi Han

Mezmu seidauk simu relatóriu kona-ba prosesu emisaun pasaporte foun ba Timoroan ne’e, maibé MNEK promete sei kontinua halo kontaktu ho reprezentasaun iha Austrália hodi trata dokumentu refere.

Entretantu, Traballadór na’in 10 ne’e maka José de Jesus Viegas mak nia Pasaporte ahi han, Isaias da Costa Cardoso, Rabina de Jesus, Bernardina Leu Mau Santos, Longuinhos Afonso, Irwan da Concenção, Juliviano de Oliveira de Almeida, Leopoldino Martins Soares, Natalisto Nazario dos Santos no Abelino da Conceição.

Traballadór na’in 10 ne’e servisu iha programa seasonal worker iha sidade Queensland Austrália.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here