Foos husi nasaun Vietname atraka iha Portu Dili, tersa (28/04). Imajen Tatoli/Antónia Gusmão

DILI, 30 jullu 2020 (TATOLI)-Durante tinan 20 ona Timor-Leste sei kontinua importa foos ho porsentajen 90 husi rai-liur, tanba impaktu husi produsaun alimentasaun ai-han iha rai-laran ho kuantidade sei minimu, divulga relatóriu Programa Ai-han Mundiál (WFP-sigla inglés).

Reprezentante World Food Programme (WFP), Dageng Liu. Imajen/ Egas Cristovão

Reprezentante WFP iha TL, Dageng Liu, hato’o relatóriu ne’e hafoin halo sorumutu ida ho jornalista sira iha Timor Plaza Dili, kuarta ne’e.

”Konsome ai-han iha Timor -Leste importante tebes maibé Timor-Leste depedente liu ba foos husi rai-liur maibé ita mós presiza hatene katak Timor-Leste mós iha ai-han ne’ebé mak nutrisaun iha hanesan batar, fehuk, aifarina no seluk tan,” dehan Nia.

Notísia Relevante :TL Importa Foos Tonelada Rihun 80 Kada Tinan Tanba Produsaun Sei Mínimu

WFP daudaun ne’e parseiru ho Uniaun Europeia, KOICA no seluk tan halo ona estudu kona-ba lakuna nutriente hamutuk pursentu 25% mak prienxe ona kritéria nutrisaun nian.

Iha fatin hanesan Sekretáriu Estadu Komunikasaun Sosiál, Mericio Juvinal dos Reis “Akara”, hateten Governu rekoinese servisu WFP nian durante tinan 20-resin iha Timor-Leste.

Notísia Relevante :CLN Asina Ona Kontratu ho Vietname ba Akizisaun Foos Tonelada 38.000

”Ita tenki orgullu ba sira tanba durante ne’e hamutuk ho ita hanesan Organizasaun Mundiál WFP sempre hamutuk ho ita tanba ne’e mak istoria importante sira ne’e ita boot sira tenki divulga para komunidade sira akompañia no ajuda mós WFP para sira-nia programa tenki la’o ho di’ak liután,” katak Nia.

Governu daudaun ne’e halo hela esforsu ida maka atu halo rekuperasaun ba ekonomia  hafoin COVID-19, rekuperasaun ekonomia ida liga mós ho ai-han ba grupu vulneravel sira iha Timor-Leste.

Notísia Relevante :Foos iha Armazén Estadu Tonelada 375

Entretantu, tuir dadus husi Ministériu Agrikultura no Peska katak, kada tinan Timor-Leste sei importa foos tonelada hamutuk rihun 80 husi rai-liur tanba kada tinan Timor-Leste foin prodúz foos menus husi tonelada rihun 40.

Razaun Timor-Leste importa foos ne’e tanba produsaun agora, liga ho populasaun TL tuir sensu 2015 nian mak tokon 1.2, no bainhira kalkula tuir World Food Organization, se ema ida loron ida han foos grama 250 de’it entaun fulan ida presiza killo 90, tanba ne’e multiplika ba totál ema iha Timor-Leste, kada tinan konsome purvolta tonelada 103.

Durante ne’e Timor-Leste importa foos barak liu husi nasaun Vietname ho Tailandia no seluk tan.

Notísia Relevante :Foos-rai no Produtu Ortikultura Folin iha Loja Agrikultór Fatuhada

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here