Estrada iha área rurál iha Leimea.Imajen Tatoli/António Gonçalves

DILI, 30 jullu 2020 (TATOLI)-Primeiru-Ministru (PM), Taur Matan Ruak fó orientasaun ba Ministériu Obra Públika (MOP) atu utiliza materiál sira ba kontrusaun estrada sira iha territóriu Timór ho kualidade.

“Primeiru-Ministru bolu ha’u mai ne’e, ami ko’alia kona-ba konstrusaun estrada nian, liuliu ba tipu materiál konstrusaun oinsá haree sasán sira ne’e kualidade,” relata Ministru Obra Públika, Salvador Eugênio Soares dos Reis Pires, hafoin reuniaun ho PM Taur iha Palásiu Governu, kinta ne’e.

Governante ne’e dehan, Xefe Governu hakarak materiál sira ne’ebé uza ba konstrusaun estrada tenke ho kualidade atubele hetan obra sira ne’ebé hokualidade no utiliza ba tempu naruk.

Governu sei kontinua implementa planu infraestrutura ba rede rodoviária iha rai-laran, inklui konstrusaun, reabilitasaun no manutensaun ba estrada nasionál, munisipál no rurál tuir kritériu internasionál ein termu kualidade no iha seguransa.

Hadi’a estrada rurál, hodi uza kontratór lokál, tuir saida maka haktuir ona Planu Estratéjiku Dezenvolvimentu (PED) 2015, ba estrada kilómetru 1270, hodi implementa Programa Dezenvolvimentu Estrada Rurál, Planu Mestre no Investimentu Estratéjiku kona-ba Estrada Rurál.

Nune’e mós, halo reabilitasaun ba estrada nasionál, rejionál no urbana (iha kapitál munisípiu), tuir padraun internasionál (PED 2022).

Jornalista: Antónia Gusmão

Editora: Julia Chatarina

1 KOMENTÁRIU

  1. Loos duni. Maibe, kestaun ida-ne’ebe presiza hetan atensaun mos maka akompanhamentu iha ezekusaun obra sira-ne’e nian, ezemplu masa simentu ho rai-henek nian, tuir standar ka lae. Ida tan maka

HAKEREK NO HATÁN

Please enter your comment!
Please enter your name here