Ministra Saude Odete Maria Freitas Belo hamutuk ho Ekipa HNGV halo konferensia ho Sao Joao de Deus Australia.Imajen/Felicidade Ximenes.

DILI, 30 jullu 2020 (TATOLI)-Ministra Saúde, Odete Maria Freitas Belo, hamutuk ho dirijente Ospitál Nasionál Guido Valadares (HNGV-sigla portugés) kinta ne’e halo video konferénsia ho São João de Deus Austrália, hodi introdúz meta no planu dezenvolvimentu estratéjia ba melloramentu kualidade saúde iha Timor-Leste.

Ministra Saúde, Odete Maria Freitas Belo, hateten video konferénsia ne’e atu deskute liután planu kooperasaun no mós avalia servisu sira ne’ebé maka implementa ona antes ne’e.

Tuir nia, São João de Deus Austrália, iha faze dahuluk nian fó  ona apoiu formasaun ba enfermeiru, médiku  iha HNGV atu sai jestór  hodi jere ospitál sira iha futuru.

”Programa daruak mak servisu sira  ne’e hahú ona no prepara HNGV  atu bele sukat nia nivel ne’e to’o iha ne’ebé  entaun ita hakarak to’o tempu ida padraun HNGV ne’e tenki aas atu nune’e bele fó atendimentu  di’ak ba pasiente sira,” katak Nia iha HNGV, kinta ne’e.

Iha fatin hanesan Xefe Gabinete Kontrolu Kualidade HNGV, Sara Maria Xavier, reforsa programa video konferénsia ne’e atu hadi’a kualidade atendimentu ba pasiente sira.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here