Sekretáriu Estadu Juventude no Desportu, Abrão Saldanha. Imajen/ Egas Cristovao

DILI, 30 jullu 2020 (TATOLI)-Sekretáriu Estadu Juventude no Desportu iha ona planu sei apoiu orsamentu ba Liga Futeból Amadora hodi realiza liga iha époka 2020.

Sekretáriu Estadu Abrão Saldanha, hateten sei buka meiu oinsá atu tulun orsamentu ba LFA hodi implementa eventu ne’e iha antes tinan 2020 nia rohan.

Notísia Relevante :Agostu, LFA Realiza Kongresu

“LFA ne’ebé mak la’o ona ne’e Governu nafatin fó apoiu, maibé problema mak orsamentu agora daudauk, entaun ami tenta hela oinsá mak atu hetan osan ruma para bele fó apoiu ba liga ne’e,”tenik Governante ba Tatoli iha Lecidere Dili, kinta ne’e.

SEJD iha orsamentu duodesimu maibé foka ba rekuperasaun ekonomia tanba ne’e laiha orsamentu atu aloka ba LFA iha tempu agora.

Notísia Relevante :FFTL-LFA Deskute Planu Ajustamentu ba Dezenvolvimentu Futeból

Entretantu, estrutura LFA nian daudauk ne’e halo hela preparasaun hodi realiza kongresu iha loron 15 fulan-agostu hodi hili Prezidente ho ninia estrutura foun ba period tinan haat hodi lidera LFA.

LFA oras ne’e lidera husi Nilton Gusmão durante periodu tinan haat ona.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here