Jogadór Juvenil AS Ponta Leste. Imajen Tatoli/ Hortençio Sanchez

DILI, 30 jullu 2020 (TATOLI)-Sekretáriu Estadu Juventude no Desportu iha planu atu investe maka’as ba Sentru Juvenil hodi hodi prepara jogadór husi selesaun nasionál sira barak liután para bele kompete ho jogadór nasaun seluk bainhira partisipa iha eventu internasionál sira.

Maibé kestaun ne’e la’ós responsabilidade Governu nian de’it, Federasaun Futeból Timor-Leste mós iha papel importante tanba ne’e ba future parte rua sei buka servisu di’ak liután hodi prodúz jogadór kualidade sira.

Notísia Relevante :Liga Juveníl la Autoriza Jogadór Idade Boot Partisipa Jogu

“Kona-ba ida ne’e mak ita atu tuur hamutuk ho FFTL atu diskute, problema agora ita iha grupu  ba jogadór, ita nia selesaun nasionál agora ne’e balun iha 28, maibé ita nia U-21 seidauk barak, U-19 seidauk barak, entaun ita tenke diskute oituan nune’e bele haree hamutuk,” dehan Abrão Saldanha, ba Tatoli iha ninia servisu fatin Lecidere, Dili kinta ne’e.

Notísia Relevante :Setembru, FFTL no LFA Realiza Liga Juvenil U-16

Atu hetan jogadór ho prestasaun no kualidade di’ak presiza investe maka’as mós iha Sentru Juvenil hodi nune’e bele prepara jogadór ho tinan kiik sira.

“Ita atu hetan jogadór selesaun nasionál ne’ebé di’ak, ita presiza dezenvolve no investe mós iha Sentru Juvenil nian mak ita foin bele hetan jogadór ne’ebé di’ak,”tenik tan.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here