Vise-Ministru Edukasaun Juventude no Desportu (MEJD), António Guterres Imajen/Osória Marques.

DILI, 29 jullu 2020 (TATOLI)-Vise Ministru Edukasaun Juventude no Desportu, António Guterres, husu ba inspetór eskolár, dirijente no entidades Estadu nian seluk tan atu koopera malu hodi aselera prosesu rekuperasaun aprendizajen ida seguru ba estudante sira.

Husi totál eskola hamutuk 1.500 iha TL, kompostu husi  pre-eskolár, ensinu báziku, sekundáriu inklui tékniku vokasionál barak re-ativa ona maibé Governu seidauk garante prosesu aprendizajen la’o másimu ba eskola hotu-hotu.

“Ha’u husu ba ita hotu nu’udar responsavel ba área edukasaun atu fó liman ba malu servisu hamutuk hodi garante rekoperasaun aprendizajen ho seguru ba ita- nia oan sira, tanba meiu ne’ebé ita iha seidauk garante atu prevene COVID-19 ba labarik sira iha eskola,” dehan Governante ne’e iha Otél Novo Turizmu, kuarta ne’e.

Governante ne’e apela atu ema hotu servisu maka’as no beibeik atu re-ativa prosesu aprendizajen ba estudante ho seguru.

Nia totál eskola 1.500 iha Timor-Leste, pre eskolár hamutuk pursentu 95, no Ensinu Sekundáriu Jerál pursentu 93, maka re-ativa ona sira ininia prosesu aprendizajen.

“Ha’u haree hanesan máskara sira parseiru fo ba MEJD la’os permanenti, tanba labarik ka profesores sira uja oras haat de’it sae ona, entaun halo ha’u tauk oituan máskara sira ne’e sei iha ka lae,” tenik António.

Jornalista : Tomé Amado

Edior        : Agapito dos Santos

HAKEREK NO HATÁN

Please enter your comment!
Please enter your name here