Estrutura no funsionáriu Agência Tatoli. Imajen Tatoli/António Gonçalves

DILI, 29 jullu 2020 (TATOLI) – Iha ámbitu aniversáriu Agência Tatoli ba dahaat, Poeta, Kompozitór no Eskritór timor-oan, Abe Barreto Soares husu mídia Estadu ne’e atu refleta ho hakmatek hodi hanoin saida mak halo ona horisehik, ohin no ba futuru, atubele kontribui di’ak liután iha prosesu dezenvolvimentu nasionál.

Iha Ambítu selebrasaun ne’e, Poeta koñesidu ne’e ho nia grupu múzika anima partisipante sira ho obra literatura ka poezia husi Poeta Seniór no Jornalista, Borja da Costa no Xanana Gusmão.

“Ami lori poema sira ne’e, liuliu poema Borja da Costa nian ho títulu Um Minuto de Silêncio ka hakmatek tanba iha liafuan liberdade no hakmatek, ne’ebé iha ita-nia selebrasaun aniversáriu (Agência Tatoli), poezia ne’e konvida ita atu halo reflesaun no hakmatek atu hanoin katak ita halo saida tiha ona no ita hanoin saida atu halo iha futuru,” tenik Poeta seniór ne’e ba Agência Tatoli, iha segunda (27/07) iha salaun INFORDEPE, Balide.

Nia dehan, Tatoli maihosi lian Wanlei katak Tato ne’e “Jaga ka asegura” no Li ne’e “Kata ka lian, ka iha lian portugés “Guardião de Palavra”, nune’e Tatoli ne’e ne’e asegura lia loos, ne’ebé tenke kontinua servisu ho profisionál hodi lori Tatoli ba mundu.

Abe Barreto informa, lori poeta ne’e tanba sira (Xanana Gusmão no Borja da Costa) sai jornalista iha tempu portugés ne’ebé ho intesaun atu atu promove literatura sira ne’e liuhosi mumúzika.

“Ha’u hili sira na’in-rua nia obra tanba atu promove liuhosi múzika hodi atrai ita-nia públiku, liuliu ita-nia joven sira katak literatura hanesan ai-han klamar entaun bainhira sira rona múzika ne’e, sira ba buka livru ne’e atu lee,” nia akresenta.

Linguísta, Profesór no Eskritór timor-oan ne’e realsa, intensaun kanta múzika ne’e atu kontribui  indireitamente ba promove paixão no hadomi atu lee.

“Ami-nia alvu ne’e ba jerasaun foun atu oinsá sira bele hadomi literária, hodi lee ita-nia maun bo’ot no bin bo’ot sira-nia obra sira,” nia espera.

Klibur Estudu Neon Fuan no Isin (MSB Study CLUB), ne’ebé harii hamutuk ho estudante sira hosi Departementu Ingles, Univercidade Nacional Timor Lorosa’e (UNTL) iha 2008, ne’ebé hosi ne’e mosu tan Club múzika hanaran SIN  iha 2010 ho misaun no vizaun prinsipál maka hakarak atu involve dezenvolvimentu liuhosi promove literatura liuhosi múzika.

Husi ne’e mosu tan Club múzika hanaran SIN iha 2010, ho misaun no vizaun prinsipál maka hakarak atu involve dezenvolvimentu no promove literatura liuhosi múzika.

Poeta ne’ebé mós koordenadór ba Club Múzika SIN informa tan dahuluk, poema Xanana Gusmão obra rua konsege halo muzikalizasaun hanesan peoma ho títulu “Estou em Guerra” no “Esperança Rasgadashosi nia livru “Mar Meu, liuhosi lee no hananu.

Daruak, Ba Poema Francisco Borja da Costa, konsege muzikaliza obra tolu hanesan “Hatene Hodi Hakarak”, “Fitun Mutin” no Minutu Hakmatek ka “Um Minuto de Silêncio”.

Ikus liu, muzikalizasaun ba peoma husi Poeta Fernando Sylvan, hanesan poema ho títulu “Infância”, “Funu”, “Ai-Laran Tuan” no “Manifesta Maubere”

“Ami mós tenta atu buka promove mós obra ami nia rasik,” nia akresenta.

Calai, montes vales e fontes regatos e ribeiros pedras dos caminhos e ervas do chão,calai. Calai, pássaros do ar e ondas do mar ventos que sopram nas praias que sobram de terras de ninguém, calai. Calai, canas e bambus árvores e “ai-rús” palmeiras e capim na verdura sem fim do pequeno Timor, calai. Calai, calai-vos e calemo-nos, POR UM MINUTO é tempo de silêncio no silêncio do tempo ao tempo de vida dos que perderam a vida. PELA PÁTRIA, PELA NAÇÃO, PELO POVO, PELA NOSSA, LIBERTAÇÃO. CALAI – UM MINUTO DE SILÊNCIO...  Poeta timor-oan, Fancisco Borja da Costa).

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here