Pesoal Saude sira iha Departementu Hemodialisa HNGV.Imajen/Felicidade Ximenes.

DILI, 29 jullu 2020 (TATOLI)-Dirijente Sira iha Ospitál Nasionál Guido Valadares(HNGV-sigla portugés)Dili, iha ona planu sei rekruta tan pesoál saúde sira hodi reforsa  servisu iha Departementu Hemodialisa ka fase ran.

Departamentu Hemodialisa HNGV daudaun ne’e iha pesoál saúde destakadu hamutuk 21, kompostu husi Kubanu Na’in haat no Timoroan na’in 17, maibé númeru ne’e la koresponde ho totál pasiente fase ran kada loron  minimu 35 no másimu 43.

 Notísia Relevante :Pasiente Fase Ran Na’in 10 Mate

Diretór Administrasaun Finansa lojístika HNGV, Duarte Marçal de Araújo, ba Jornalista sira hateten prosesu rekrutamentu ne’e sei akontese hafoin aprovasaun Orsamentu Jerál Estadu (OGE)2020 ninia.

”Agora daudaun ita sei iha orsamentu duadesimál ne’e labele entaun ita hein orsamentu normál mak ita rekruta pesoál saúde sira para bele hala’o servisu iha Departaementu hemodialisa nian,” nia dehan.

HNGV iha tinan 2019 estabelese ona akordu ida ho ospitál Surabaya Indonézia atu haruka pesoál saúde sira bá tuir formasaun iha área fase ran ninian maibé kestaun polítika afeta ba OGE maka la konsege implementa to’o ohin loron.

“Ami tenta nafatin tanba MoU iha ona maibé haree ba situasaun la’o normál mak ami haruka sira ba tuir fali treinamentu,”tenik tan.

Nia dehan HNGV daudaun ne’e uza de’it espasu kuartu haat ba pasiente fase ran nian tanba ne’e iha planu atu loke tan espasu foun ba Departementu fase ran para akumula hotu hodi evita transfere ba rai-liur.

”Makina fase ran iha 11 maibé ita uza lai hodi fó tratamentu ba pasiente fase ran depois ba oin ita planu atu aumenta tan mákina sira ne’e,” nia hateten.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here