Poeta, kompozitór no eskritór timor-oan, Abe Barreto Soares. Imajen/Espesiál

DILI, 29 jullu 2020 (TATOLI) – Poeta, Kompozitór no Eskritór timor-oan, Abe Barreto Soares, enkoraja joven sira bainhira prosege ba literatura labele haree ba matéria ne’ebé maka atu hetan maibé presiza haka’as-an atu hetan produtu ho kualidade di’ak.

“Ha’u husu ba estudante no joven sira ne’ebé la’o hamutuk labele haree ba kuantidade osan, maibé haree ba kualidade hanesan prosesu aprendijazen ida,” tenik Eskritór seniór ne’e ba Agência Tatoli, segunda (27/07), iha salaun INFORDEPE, Caicoli.

Inisiativa ne’e, tuir Abe Barreto hakarak sunu ahi halo lakan, nune’e ema ne’ebé gosta mundu literatura bele dudu ba oin atu pelumenuz iha ain-leut ba dezenolvimentu nasionál.

Ho nune’e, nia husu ba joven timor-oan sira atu iha domin, iha vontade iha literatura no gosta lee poeta rai-laran nia obra no rai seluk atu hariku klar tanba poezia hanesan ai-han klamar tanba moris iha mundu ne’e provizóriu de’it.

Nia haktuir, dalaruma bainhira halo knaar hasoru difikuldade maibé ho otimista buat hotu bele realiza.

“Konserteza ami iha dezafíu, maibé bainhira ami ba toka iha fatin ruma ema selu ami no hodi ida ne’e ajuda sosa fasilidade no transporte,” nia realsa.

Abe Barreto iha ona planu atu hatama proposta ba Sekertáriu Estadu Arte no Kultura (SEAK) atu apoiu fundu halo gravasaun husi poezia ba múzika.

“Ami hakarak hatama proposta ba Sekretáriu Estadu Arte no Kultura (SEAK) maibé espera katak sira bele simu no apoia ami atu halo gravasaun poezia ba múzika hodi bele lee no hananu,” nia akresenta.

Poeta dehan, inisiativa ne’e iha kle’ur ona, maibé haree fali ba kondisaun orsamentu Estadu ne’ebé sei iha rejime duodesimál.

“Ha’u hein katak orsamentu 2020 no 2021 la’o normál iha tempu besik ho Governu foun, nune’e ami bele submete proposta no bele konsidera, depende Governu haree iha ami-nia proposta tuir intensaun no objetivu osan ne’ebé ami husu,” nia subliña.

Linguísta, Profesór no Literatura timor-oan ne’e konta tuir, durante ne’e nia parte kolabora di’ak tebes ho SEAK tanba dala barak konvida sai juri ba kompetisaun lee poezia ne’ebé hanesan dalan ida katak iha seriedade iha mundu literatura.

Nia mós agradese bainhira SEAK aprova ninia proposta, nune’e bele hamutuk ba oin iha mundu poétiku ne’ebé furak liuhosi lee no hananu (Muzikalizasaun Peoma).

Durante ne’e, Klibur Estudu Neon Fuan no Isin (MSB Study CLUB), ne’ebé harii hamutuk ho estudante sira hosi Durante ne’e, Klibur Estudu Neon Fuan no Isin (MSB Study CLUB), ne’ebé harii hamutuk ho estudante sira husi Departementu Ingles, Univercidade Nacional Timor Lorosa’e (UNTL) iha 2008.

Poeta ne’ebé mós koordenadór ba Club Múzika SIN informa tan dahuluk, poema Xanana Gusmão obra rua konsege halo  ba múzika hanesan peoma ho títulu “Estou em Guerra” no “Esperança Rasgadashosi nia livru “Mar Meu, liuhosi lee no hananu.

Daruak, Ba Poema Francisco Borja da Costa, konsege muzikaliza obra tolu hanesan “Hatene Hodi Hakarak”, “Fitun Mutin” no Minutu Hakmatek kaUm Minuto de Silêncio.

Ikus liu, muzikalizasaun ba peoma husi Poeta Fernando Sylvan, hanesan poema ho títulu  Infância”, “Funu”, “Ai-Laran Tuan” no “Manifesta Maubere”.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here