Ministru Finansa, Fernando Hanjam. Imajen Tatoli/Egas Cristovão

DILI, 29 jullu 2020 (TATOLI)-Banku Mundiál sei sei selebra akordu ho Governu Timor-Leste hodi fó kontribuisaun finanseira hodi reforsa sistema eskolár.

Liuhosi reuniaun Konsellu Ministru (KM), deside atribui kompeténsia ba Ministru Finansa, Fernando Hanjam, hodi reprezenta Governu selebra asinatura ho Banku Mundiál.

“Konsellu Ministru aprova autorizasaun atu selebra akordu entre Governu Timor-Leste no Banku Mundiál kona-ba kontribuisaun finanseira hosi fundu ba parseria globál ba edukasaun, no atribui podér tomak ba Ministru Finansa hodi halo asinatura ba akordu ne’e,” relata Ministru Prezidénsia Konsellu Ministru, Fidelis Manuel Leite Magalhães hafoin ramata reuniaun KM, kuarta ne’e, iha Palásiu Governu.

Governante ne’e esplika, kontribuisaun finanseira hosi Banku Mundiál ho objetivu finansia projetu ida hodi reforsa sistema eskolár, liuliu ba instalasaun, kapasitasaun ba diretór no profesór sira inklui materiál eskolár ne’ebé sei implementa hosi Ministériu Edukasaun, Juventude no Desportu (MEJD).

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here