Xefe Estadu Maiór Forsa Defeza Timor-Leste , Majór Jenerál Lere Anan Timur. Imajen/Antonio Goncalves

DILI, 29 jullu 2020 (TATOLI)–Xefe Estadu Maiór Jenerál FALINTIL-Forsa Defeza Timor-Leste (F-FDTL), Majór Jenerál Lere Anan Timur, hateten ró rua ne’ebé Austrália atu oferese ba Timor-Leste ne’e, sira-na’in rasik mak sei mai no ida-ne’e Governu  nia responsabilidade atu kria kondisaun . 

Notísia Relevante: Embaixadór Peter Aprezenta Programa Formasaun Ró ba F-FDTL, PNTL ho Alfándega

“Ba ró rua ne’e, ha’u husu ba Austrália atu halo tan ka rekopera tan ponte kais ne’ebé mak tau ró ne’e. Maibé sira hatán katak depois mak haree. Ita dúvida tanba dehan fali depois mak haree. Ba asuntu ne’e responsabilidade Governu nian ne’ebé Governu mak tenke kria kondisaun ba ró sira-ne’e. Ita iha ambisaun katak hakarak iha buat hotu maibé ita laiha ánaliza ka estudu ida kona-ba ró ne’e tau iha ne’ebé,” dehan Majór Jenerál Lere Anan Timur, ba jornalista sira hafoin hosoru malu ho Xefe Estadu Timor-Leste iha Palásiu Prezidente Nicolau Lobato, Bairru Pité, Dili, kuarta ne’e. 

Tanba, Majór Jenerál Lere Anan Timur hateten, foin lalais ne’e iha ministériu balun atu sosa ró rua maibé ró ne’e atu ró presiza tau iha ponte kais entaun atu lalika duplika meiu tanba duplika ne’e problema ba manutensaun.

“Lalika preokupa ho Austrália oferese ró rua ne’e tanba sira hatene katak ró para iha ponte kais entaun sira sei prepara mós nia fatin,” nia dehan.

Notísia Relevante: Austrália Seidauk Konstrui Ró Patrullamentu Rua Ba TL

Membru Komponente Navál 25 Tuir Formasaun iha Austrália

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here