Finalista 12 husi Eskola Téknika Agrikola Kay Rala Xanana Gusmão Oekusi (ETA-KARAXAGO). Imajen Jogerjo Guterres

DILI, 28 jullu 2020 (TATOLI)-Ministériu Edukasaun Juventude no Desportu (MEJD) ho Ministériu Edukasaun to’o oras ne’e seidauk bele halo avaliasaun ba eskola Ensinu Sekundáriu Jerál Tolu iha Rejiaun Administrativa Espesiál Oé-Cusse Ambeno (RAEOA) tanba seidauk  hetan autorizasaun husi Prezidente Autoridade.

Diretóra Nasionál Ensinu Sekundáriu Ministériu Edukasaun, Rosa Soares, informa antes ne’e haruka ona karte rekoiñesimentu ba Prezidente RAEOA atu bá halo avaliasaun ba preparasaun eskola sira kona-ba prevensaun COVID-19 iha eskola sira antes re-ativa prosesu aprendizajen ba estudante.

Husi totál eskola Ensinu Sekundáriu Jerál 103 iha territóriu só eskola tolu iha Oé-Cusse kompostu husi eskola públiku rua no katólika ida maka seidauk re-ativa sira-nia prosesu aprendizajen hafoin termina Estadu Emerjénsia liga ho surtu COVID-19 iha territóriu Timor-Leste.

“Eskola 3 iha RAEOA seidauk re-ativa ne’e tanba diferensa jestaun administrativu. RAEOA la’ós kontrola husi Ministériu Edukasaun,  maibé sistema administrativu iha ne’ebá direitamente tenki apreznta ka hetan koiñesimentu uluk husi Prezidente Autoridade, tan ne’e ita labele tama de’it enkuantu laiha koiñesimentu,”informa nia ba Tatoli, iha Gabinete MEJD Vila-Verde, tersa ne’e.

 Notísia Relevante :Pursentu 80 Eskola iha Territóriu Re-Ativa Ona Prosesu Aprendizajen

MEJD daudaun ne’e enfrenta hela problema menus orsamentu atu halo viajén ba RAEOA hodi hasoru diretamente Prezidente Autoridade, Arsénio Paixão Bano.

 Notísia Relevante :Governu Garante Eskola Hotu-Hotu Tenki Re-Ativa Durante Jullu

“Agora  RAEOA mós seidauk fo informasaun mai ita, no ita mós labele husu direita ba RAEOA kona-ba pedidu ne’ebé ita aprezenta ona,”tenik tan.

 Notísia Relevante :Eskola 78 iha Dili Re-Ativa Ona Prosesu Aprendizajen

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here