Ministra Saúde foun, Odete Maria Freitas Belo. Imajen /Egas Cristovão

DILI, 28 jullu 2020 (TATOLI)-Ministériu Saúde, tersa ne’e, aprezenta ona progresu sosa ekipamentu prevensaun COVID-19 ne’ebé sosa husi Programa Dezenvolvimentu Nasaun Unidus (UNDP-sigla-inglés) ba Deputadu Parlamentu Nasionál.

Governu aprova millaun $ 5.8 ba UNDP hodi sosa ekipamentu prevensaun COVID-19 no medikamentu ba moras seluk tan.

Notísia Relevante:UNDP Entrega Fasilidade Prevensaun COVID-19 Faze Daruak ba Governu

Iha faze dahuluk, Organizasaun Internasionál ne’e entrega ona ekipamentu no medikamentu ba Governu liuhosi Eis Ministru Negósiu Estranjeiru no Kooperasaun, Dionísio Babo da Costa, iha loron 29 fulan-maiu.

Faze daruak nian, UNDP entrega fasilidades hirak ne’e ba Vise Ministru Negósiu Estranjeiru no Kooperasaun, Julião da Silva, iha ínisiu fulan-jullu hanesan infusion pumps hamutuk 50, surgical masks 200, infrared thermometer 150 no mós item sira seluk tan.

Notísia Relevante:PNUD Hatama Ona Ekipamentu Prevensaun COVID-19 Mai TL

Tuir planu faze datoluk nian, sei mai tan Timor-Leste iha tempu badak ho fasilidades hanesan ventiladór 40, máskara no seluk tan.

”Ekipamentu ne’ebé mak UNDP sosa balun tama ona hanesan ai-moruk, máskara inklui ventiladór,”relata Ministra Saúde, Odete Maria Freits Belo, ba Reprezentante Povu iha Uma Fukun PN.

Esportasaun faze dahuluk nian, nia esplika ai-moruk ba espesialista sira iha HNGV, no faze daruak, iha mós ventiladór lima maka daudaun ne’e rai iha Sentru Saúde Vera Cruz.

“Ventiladór ida mak ita-nia doutór sira uza hodi fó treinamentu ba médiku sira oinsá mak atu uza ventiladór ida ne’e banhira iha kazu COVID-19 ne’ebé mak bainhira iha no mós UNDP haruka mós máskara balun no balun seidauk mai maibé ami sei hein mós sasán sira seluk,”tenik tan.

Notísia Relevante:Governu Sei Asina Kontratu ho UNDP Sosa Ekipamentu COVID-19

Aleinde ne’e, Odete mós aprezenta ba Deputadu sira kona-ba númeru ventiladór iha Ospitál Nasionál Guido Valadares hamutuk iha ualu, koloka ba sala operasaun iha tolu no sala ICU iha lima, maibé la’ós uza ba pasiente COVID-19.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here