Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 28 jullu 2020 (TATOLI)-Ministru Ensinu Superiór Siénsia no Kultura (MESSK), Longuinhos dos Santos, rekomenda ba Tatoli Institutu Públiku, atu kontinua dezempeña servisu no funsaun hodi sai fonte informasaun ida ne’ebé kredivél no imparsialidade ba públiku iha futuru.

“Ha’u hato’o rekomendasaun ba Tatoli.IP liuhusi ninia aniversáriu ba dahaat ne’e atu kontinua nafatin dezempeña ninia aan hodi sai matan no tilun ba povu, Governu no Estadu liuhusi ninia informasaun sira,” informa Ministru Longuinhos dos Santos, ba Tatoli iha ninia servisu fatin Colmera Dili, segunda ne’e.

Alende ne’e, Tatoli tenki profisionaliza  ninia servisu sira nune’e bele manán konfiansa públiku hodi apoiu prosesu dezenvolvimentu nasionál.

“Ne’e duni aproveita oportunidade ne’e hakarak hato’o votus susesu ba Tatoli.IP ne’ebé halo tinan ho esperansa tenki kontinua ejiste buka haka’as aan nafatin atu sai di’ak liután iha futuru. Tenki tenki buras atu divulga nafatin informasaun sira relasiona ho atividae ne’ebé mak Governante sira hala’o,”katak Governante.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here