Plenária Parlamentu Nasionál. Imajen Tatoli/António Gonçalves

DILI, 27 jullu 2020 (TATOLI)—Komisaun A (Justisa no Konstitusionál) sei diskute Proposta-Lei Podér Lokál (LPL) hafoin aprova Orsamentu Jerál Estadu (OJE) 2020 no 2021.

Notísia Relevante: PN Aprova Lei Poder Lokál

Prezidente Komisaun A, Deputadu Joaquim dos Santos, hateten komisaun agora haree hela lei rua, ida kona-ba lei póder lokál no lei ba eleisaun podér lokál, maibé hafoin Orsamentu Jerál Estadu 2020 no 2021.

“Tuir deputadu sira, foin mak halo planu ba inisiativa diskusaun lei poder lokál no  eleisaun póder lokál presiza legaliza buat balun ne’ebé ladún di’ak, tenke hadi’a subsídiu orsamentu suku nian. Tanba suku ne’e, ita konsidera hanesan baze ba konstituisaun estadu maibé depois orsamentu 2020 no 2021,” dehan Joaquim dos Santos ba jornalista sira, iha resintu Parlamentu Nasionál, segunda ne’e.

Deputadu Joaquim hateten, podér administrativa desentralizasaun de’it la to’o, tenke desentraliza mós iha kompeténsia ba orsamentu balun hodi ajuda polítka desentralizasaun ne’e.

Nia dehan, presiza haree mós lei sira kona-ba eleisaun nian nune’e bele haree mós kapasidade atu jere.

Oras ne’e daudauk Lei Podér Lokál ne’e tama ona iha Komisaun A maibé oras ne’e prioritiza uluk ba lei sira seluk.

Notísia Relevante: PNUD Apoia Millaun $1.8 ba PN Hodi Aselera Lei Podér Lokál

Jornalista : Evaristo Soares Martins

Editór       :  Cancio Ximenes

HAKEREK NO HATÁN

Please enter your comment!
Please enter your name here