Vise-Ministru Edukasaun Juventude no Desportu (MEJD), António Guterres Imajen/Osória Marques.

DILI, 28 jullu 2020 (TATOLI)-Governu liuhosi Ministériu Edukasaun Juventude no Desportu deklara ona sei la interven servisu profesór sira-nian hodi fó valór ba estudante sira durante implementasaun Estadu Emerjénsia.

“Relasiona ho valór estudante sira nian, ami (Ministru no Vise) sei la iha kbi’it ida atu rekomenda ba eskola hotu iha Terrióriu Timor  Laran tomak atu husu ba dirijenti eskola no profesór sira fó ba estudante sira relasiona ho situasaun pandemia COVID-19 ne’e,”dehan Vise Ministru Edukasaun Juventude no Desportu, António Guterres, ba jornalista sira iha Eskola Ensinu Báziku Esperansa da Patria Becora, segunda ne’e.

Nótisia Relevante :EES 4 Setembru UNAMET Prepara Ona Valór Ezame Trimestrál Dahuluk ba Estudante Sira

Maibé Governu fiar katak profesór sira sei fó valór ba estudante sira bazeia ba prestasaun estudante idaidak nian ne’ebé sira hetan ona antes akontese coronavirus iha rai-laran.

Hodi hatutan Ministériu Edukasaun liuhusi Unidade Nasionál Kurrikulu sei halo ezersísiu ba kurrikulu hafoin COVID-19 iha TL.

Nótisia Relevante :MEJD Sei La Realiza Ezame ba Estudante

“Ami mós halo hela ezersisiu interna ida ho ekipa Unidade Nasionál Kurikulu nian hodi haree tuir faze, tanba ne’e mak esforsu ne’ebé ita halo ona mak oinsá atu apoiu eskola sira ho materiál COVID-19 nian atu eskola sira bele re-ativa uluk depois mak ita haree fali polítika saida mak sei halo ba oin,”tenik Governante.

Entretantu, husi totál eskola rihun ida resin kompostu husi pre-eskolár to’o Ensinu Sekundáriu no mós tékniku vokasionál pursentu 80 re-ativa ona.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here