Prezidente CNE, Alcino Barris. Imajen/TATOLI Egas Cristovao.

DILI, 28 jullu 2020 (TATOLI)–Prezidente Komisaun Nasionál Eleisaun (CNE, Sigla portugés), Alcino Barris, hateten CNE kontinua motiva estudante sira liuhosi formasaun edukasuan sívika nune’e iha etapa dahuluk ne’e, CNE fó formasaun ba estudante iha eskola sira iha Timor-Leste no etapa daruak CNE sei kanaliza fali formasaun ba komunidade sira.

“Primeiru ita fó formasaun ba estudante sira tanba estudante sira ne’e la kleur tan sira bele ona atu rejistu eleitorál tanba idade sa’e ba 17 ona, Nune’e, ho formasaun antesipadamente ona para sira bele komprende tanba ita-nia rejistu eleitorál ne’e obrigatóriu maibé aban bainrua votasaun ne’e, la’ós obrigatóriu. Enatun, ho ida-ne’e CNE preokupa. CNE halo tudo por tudo para eleitór sira komprende no ita motiva sira para hola parte iha kualker eleisaun ne’ebé mak sei mai,” Prezidente Komisaun Nasionál Eleisaun (CNE), Alcino Barris ba jornalista sira iha salaun CNE Salaun Laline Larigutu, Colmera, Dili, tersa ne’e.

Nia hateten, fiksu ona eleisaun prezidensiál iha 2022 no eleisaun ba parlamentar iha 2023, ho ne’e tenke motiva ona eleitór sira para haree naran nune’e bainhira to’o iha ne’ebá, sira sente motivadu no bele partisipa iha eleisaun hotu.

“Tanba ita-nia resiu taxa ba partisipasaun iha votasaun tún liu. Tanba ne’e, CNE preokupa hodi CNE kontinua esforsu tomak atu involve. Se bele, kada taxa partisipasaun iha eleisaun mai ne’e haka’as,” nia dehan. 

Tanba ne’e, nia dehan, CNE hala’o formasaun konjunta ne’ebé mak hala’u durante loron rua (28-29/-07/2020), parsipante sira ne’e maihosi munisípiu 12 inklui ho Rejiaun Administrativa Espesiál Oé-Cusse Ambeno (RAEOA).

“Ami halo ona edukasaun sívika iha eskola sira hodi haree ba metodolójia no oinsá haree mós ba formadór sira hamutuk ho partisipante hodi diskute. Tanba, etapa dahuluk hala’o tiha ona nune’e segunda etapa haree fali materia ida ne’ebé mak apropriadu atu aplika tanba fó edukasuan sívika ba estudante iha eskola sira,”  nia dehan.

Nia hateten, durante loron ne’e CNE fó prioridade formasaun ba aktus eleitorais no lei resensamentu, lei kampaña nian, lei kona-ba partidu polítiku sira inklui lei eleisaun prezidensiál no parlamentar.

“Ho rekezitu oin-oin ne’e fó tiha ona formasaun ba sira maibé agora revee fali atu ita hatene sira-nia kompreensaun ne’e to’o iha ne’ebé ona. No, ita mós simplifika fali matéria no intervensaun hirak ne’e hosi autoridade sira tenke diminui para aproveita tempu hotu ho di’ak,” nia hateten. 

Jornalista : Osória Marques

Editór     : Cancio Xienemes

HAKEREK NO HATÁN

Please enter your comment!
Please enter your name here