Diretór IDN-TL Capitão – de Mar- e Guerra, Donaciano Costa Gomes “Pedro Klamar Fuik”. Imajen/IDN-TL

DILI, 28 jullu 2020 (TATOLI)—Sentru Integradu no Jestaun Krize (CIGI-sigla portugés) hato’o rekomendasaun ba VIII Governu Konstitusionál atu aumenta kapasidade hodi fó resposta ba Sistema Saúde Nasionál (SSN) hodi hasoru surtu COVID-19 tanba oras ne’e nasaun viziñu Indonézia númeru pozitivu kontinua sa’e maka’as.

Notísia Relevante: PN Preokupa ho Ventiladór Kazu Grave Ida De’it

“Rekomendasaun balun ne’ebé ke ami halo mak husu aumenta kapasidade resposta ba Sistema Saúde Nasionál, kria konsiénsia nasionál ne’ebé mak konstante ba iha saúde públika, aumenta kondisaun sosiu-ekonómiku ba iha populasaun, viabiliza komérsiu nasionál no internasionál, viabiliza dezenvolvimentu nasionál, kria sistema alerta ida-ne’ebé mak adekuadu ba iha ita-nia rain, promove ezersísiu prontidaun ka operasionál ba iha situasaun krize ka kalamidade públika,” dehan Diretór Institutu Defeza Nasionál (IDN) no Kapitaun Mar e Guerra, Donanciano Costa Gomes “Pedro Klamar Fuik”, iha ámbitu aprezentasaun relatóriu  ba aplikasaun Estadu Emerjénsa, iha Uma Fukun Parlamentu Nasionál, tersa ne’e.

Diretór Institutu Defeza Nasionál (IDN) no Kapitaun Mar e Guerra, Donanciano Costa Gomes “Pedro Klamar Fuik, hato’o rekomendasaun ne’e tanba hetan konvite hosi Primeiru-Ministru (PM), Taur Matan Ruak.

Nune’e mós, nia dehan, desentralizasaun ba munisípiu sira hotu para bele iha kbiit atu responde, promove difuzaun ba iha informasaun liuliu informasaun kredivel to’o iha área remota, promove asaun edukasaun informál kona-ba kualkér tipu krize, medida preventiva seluk hodi halo mitigasaun hasoru segunda leva COVID-19.

CIGC husu Governu prepara no estabelese adekuada infraestrutura, efetua akizisaun ekipamentu no medikamentu ne’ebé mak identifikadu, halo formasaun adekuadu ba rekursu umanu, reforsa medida kontensaun liuliu konfinamentu obrigatóriu maibé ita bele halo iha nível nasionál ka lae.

Diretór Institutu Defeza Nasionál (IDN) no Kapitaun Mar e Guerra, Donanciano Costa Gomes “Pedro Klamar Fuik husu Governu kontinua fasilita máskara ba populasaun nune’e prepara aan, karik mosu tán propasaun daruak.

Jornalista : Evaristo Soares Martins

Editór       :  Cancio Ximenes

HAKEREK NO HATÁN

Please enter your comment!
Please enter your name here